Halyqqa qyzmet kórsetetin jeke kásipkerler sanıtarlyq talaptardy qatań saqtaýlary kerek - N. Sádýaqasov
ASTANA. 5 tamyz. QazAqparat /Qanat Mámetqazyuly/ - Halyqqa ártúrli qyzmetter kórsetetin jeke kásipkerler sanıtarlyq talaptardy qatań saqtaýlary kerek.
Bul týraly búgin elimizdegi epıdemıologııalyq jaǵdaıǵa qatysty Densaýlyq saqtaý mınıstrliginde ótken baspasóz máslıhatynda Memlekettik sanıtarlyq-epıdemıologııalyq qadaǵalaý komıteti, Bas memlekettik sanıtarlyq dáriger mindetin atqarýshy Nurlan Sádýaqasov málim etti.
«Búgingi kúni memlekettik organdar tarapynan kásipkerlik sýbektilerdi tekserýge qatysty moratorıı sharasy olardyń barynsha erkin jumys isteýine jaqsy jaǵdaı týǵyzyp otyr. Kásipkerler udaıy tekseristersiz jumystaryn júrgizýde. Árıne, biz adal kásipkerlikke senimimiz mol. Degenmen, jáke kásipkerler, jaýapty tulǵalar sanıtarlyq-epıdemıologııalyq talaptardy qatań saqtasa degen tilek bar. Eldegi jaǵdaıdyń basym bóligi osyǵan baılanysty», - dedi N. Sádýaqasov.
Jalpy aǵymdaǵy jyldyń basynan beri respýblıkanyń memlekettik sanıtarlyq-epıdemıologııalyq qadaǵalaý organdary sanıtarlyq zańnama talaptaryn buzý oqıǵalary boıynsha 22393 aıyppul salyp, sanıtarlyq talaptarǵa jáne normalarǵa saı kelmeıtin 519 nysannyń qyzmetin ýaqytsha toqtatqan. 891 is tergeý organdaryna ótkizilgen.
