Halyqqa 10 sotyq jer telimin berýdiń ońtaıly joldaryn qarastyrý kerek – depýtat
«Búgin Májilis otyrysynda azamattarǵa 10 sotyq jer telimin berý máselesi boıynsha depýtattyq saýal joldadym. Túrkistan oblysynda 10 sotyq jer alý úshin kezekte turǵan halyq sany 408 myńǵa jetken. Jer telimin jyldar boıy ala almaı kele jatqan azamattar bar. Halyqtyń deni ońtústik óńirde, Túrkistan oblysynda ornalasqan, demek munda jer alý, baspana salý máselesi óte ózekti. Jer týraly kodekste bylaı jazylǵan: «azamattarǵa úı salýǵa 10 sotyq jer telimin berý úshin aldymen ol jerde qajetti ınfraqurylym bolýy tıis». Al keı aýdandarda 2012-2013 jyldary berilgen jerlerdiń ózi áli kúnge deıin tıisti ınfraqurylymmen qamtylmaǵan», - dedi Ulasbek Sádibekov Jibek Joly telearnasynyń Májilistegi mobıldi stýdııasynda bergen suhbatynda.
Halyq qalaýlysynyń aıtýynsha, jer telimin berý máselesi búgin sheshilmese, halyq kezegi odan ári sozyla beredi.
«Bizdiń usynysymyz - jer telimin beretin kezde turǵyndar úshin ońtaıly joldaryn qarastyrý jáne jer kodeksine ózgerister engizý qajet. Azamattarǵa jer berse, úıdi ózderi-aq salyp alady. Bul - kóp azamatty tolǵandyratyn másele», - deıdi depýtat.
