Halyqarylyq ǵarysh stansasynyń komandıri tuńǵysh ret japondyq ǵaryshker bolmaq

ASTANA. QazAqparat - Ǵaryshker Koıtı Vakata Halyqaralyq ǵarysh stansasyn basqarý mártebesi buıyrǵan tuńǵysh japondyq bolmaq. Stansanyń qazirgi komandıri reseılik Oleg Kotov quzyretin 9 naýryzda tapsyrady, dep jazady Japon ulttyq aeroǵarysh agenttigi.

50 jastaǵy Vakata HǴS-daǵy ǵaryshkerler ujymyn úsh aı basqaryp, 14 mamyrda jerge qaıtady. Ol stansadaǵy ekıpajdyń qyzmetin qadaǵalap, tótenshe jaǵdaılar týyndasa, komandır retinde olardy sheshýde barlyq quzyretke ıe bolady. Eldiń ǵarysh salasyndaǵy baǵdarlamalardy basqaratyn Aǵartý, sport, ǵylym jáne tehnologııa mınıstri Hakýbýn Sımomýra Tokıoda ótken baspasóz máslıhatynda otandasynyń mundaı mártebege ıá bolǵanyn maqtanyshpen atap ótken. «Bul Tokıonyń ǵarysh salasyndaǵy zertteýlerine jańa serpin beredi», - dep atap ótti ol. Aıta keteıik, Vakata osy mıssııasyn oryndaý úshin HǴS-na ótken jyldyń 7 qarashasynda Baıqońyrdan ushqan bolatyn. Bul onyń ǵaryshqa 4-shi ret ushýy jáne ekinshi ret HǴS-da uzaq ýaqyt qyzmet etýi. Onda Japonııanyń «Kıbo» («Arman») ep atalatyn zertteý modýli bar.