Halyqaralyq jýrnalıstıkada eleýli ilgerileýshilik baıqalmaıdy - Valerıı Jandáýletov
ALMATY. 19 jeltoqsan. QazAqparat - Jýrnalısterdi daıyndaýdyń áli naqty baǵdarlamasy joq. QR Prezıdenti baspasóz qyzmetiniń Almaty bıýrosynyń meńgerýshisi Valerıı Jandáýletov búgin «Ves mır» halyqaralyq gazetiniń 10 jyldyǵyna arnalǵan baspasóz máslıhatynda osylaı aıtty.
«Jetekshi joǵary oqý oryndarymen tanystym. Onda jýrnalısterdi daıyndaýdyń áli naqty baǵdarlamasy joq. Ár oqytýshy óz baǵdarlamasyn jasaıdy. Sondyqtan halyqaralyq jýrnalıstıkaǵa daıyndaý da múlde joq deýge bolady», - deıdi V. Jandáýletov. Valerıı Aıtmuqashulynyń aıtýynsha, halyqaralyq jýrnalıstıka elimizde keńestik dáýirde de bolǵan joq. Ol kezde bári memlekettik basylym bolsa, qazir onyń úlesi 5 paıyzdan da az. Osyǵan qaramastan halyqaralyq jýrnalıstıkany damytý baǵytynda qazir de eleýli ilgerleýshilik baıqalmaı otyr.
