Halyqaralyq jýrnaldarǵa eńbekteri jarııalanyp turatyn qazaqstandyq ǵalymdar marapattaldy
ALMATY. QazAqparat - Halyqaralyq ǵylymı jýrnaldarǵa jarııalanyp turatyn qazaqstandyq ǵalymdar marapattaldy, dep habarlaıdy QazAqparat tilshisi.
Almatyda Springer Nature Awards syılyǵynyń marapattaý sharasy ótti.
Bul syılyq álemdik ǵylymnyń damýyna úles qosqan ǵalymdarǵa beriledi.
«Búginde qazaqstandyq ǵalymdardyń eńbekteri álemniń reıtıngi joǵary jýrnaldarynda jarııalana bastady. Bul bizdiń ǵylym keńistiginde úlken jetistik bolyp sanalady», - dedi «Memlekettik ǵylymı tehnıkalyq saraptama» Ulttyq Ortalyǵynyń prezıdenti Ádil Ybyraev.
7 atalym boıynsha 20 ǵalym Springer Nature Awards syılyǵynyń laýreaty atandy.
«Eger buryn Web of Science málimetter bazasynda qazaqstandyq jýrnaldar atymen joq bolsa, qazir ondaı 6 jýrnal bar», - dedi Ádil Ybyraev.
Atalǵan sharaǵa Ortalyq Azııa elderi Ózbekstan, Tájikstan, Qyrǵyz respýblıkasynyń ǵylym salasynyń ókilderi qatysty.
Sonymen qatar, jas ǵalymdarǵa aǵylshyn tilinde ǵylymı maqala jazýdyń sheberlik sabaqtary uıymdastyryldy.
