Halyqaralyq júk tasymaldaýshylardan koronavırýsqa anyqtama talap etiledi

NUR-SULTAN. QazAqparat –26 qazannan bastap halyqaralyq tranzıttik júk tasymalyn júzege asyratyn júrgizýshilerden koronavırýsqa PTR-test anyqtamasy talap etiledi. Bul týraly tolyǵyraq Densaýlyq saqtaý mınıstrligi Sanıtarlyq-epıdemıologııalyq baqylaý komıtetiniń tóraǵasy Aıjan Esmaǵambetova aıtyp berdi, dep habarlaıdy QazAqparat tilshisi.

«Álemde koronavırýs juqtyrý deńgeıi ósip bara jatqanyn atap ótý kerek. Búginge deıin indet 215 elge taraǵan. Álemde koronavırýs juqtyrǵan azamattardyń sany 41 mıllıonnan asyp ketti. 1 mıllıon 128 myń 931 adam qaıtys boldy. ıAǵnı Eýropa men Azııada koronavırýs juqtyrý deńgeıi azaımaı tur», - dedi Aıjan Esmaǵambetova búgin Ortalyq kommýnıkatsııalar qyzmetinde ótken baspasóz máslıhatynda.

Komıtet basshysy buryn avtokólik arqyly Qazaqstan shekarasyna kiretin jolaýshylardan ǵana PTR-anyqtama talap etilip kelgenin eske saldy.

«Halyqaralyq tranzıttik júk tasymalyn júzege asyratyn júrgizýshiler PTR-test anyqtamasyz júre beretin. 26 qazannan bastap ondaı júrgizýshilerden de PTR-test anyqtamasy talap etiletin bolady. Bul anyqtama bolmaǵan jaǵdaıda olar shekarada testileýden ótýge mindetteledi. Eger olardyń ishinen koronavırýs juqtyrǵany anyqtalsa, olar toqtaǵan jerindegi aýrýhanaǵa jatqyzylady», - dedi ol.