Halyqaralyq jikteýdegi barlyq shıkizattyq taýarlar Qazaqstannyń taýarly-shıkizattyq bırjasy arqyly saýdalanýy tıis - Kárim Másimov
Bul týraly búgin «Samuryq-Qazyna» ál-aýqat qorynyń keńeıtilgen otyrysynda Úkimet basshysy Kárim Másimov málim etti.
«Bul másele «Samuryq-Qazyna» qoryna da jáne jalpy Úkimet jumysyndaǵy barsha ekonomıkaǵa qatysty. Taýarlyq bırjalardy damytý men shıkizattyq taýarlardy saýdalaý máseleleri bizde Qazaqstanda tıisti deńgeıde sheshilip jatqan joq»,-dep toqtalǵan Úkimet basshysy, «meniń oıymsha, qazir bul máselege bilek sybana kirisý úshin tıimdi sekildi»,-dedi.
«Shıkizattyq taýarlardy saýdalaý men taýarlyq bırjalardy damytý boıynsha túbegeıli usynys engizý úshin men Indýstrııa jáne jańa tehnologııalar mınıstrligine aldaǵy aptada Úkimette osyǵan baılanysty keńes uıymdastyrýdy tapsyramyn»,-dedi K. Másimov.
«Máselen, London bırjasynda baǵalanatyn barlyq shıkizattyq taýarlar, mindetti túrde Qazaqstannyń taýarly-shıkizattyq bırjalary arqyly satylýy tıis»,-dep qadap aıtty Úkimet basshysy.
