Halyqaralyq jastar kúnine oraı Almatyda qandaı is-sharalar ótedi

ALMATY. QazAqparat – Almaty qalasy Jastar saıasaty basqarmasy basshysynyń orynbasary Ázız Qajdenbek «12 tamyz – Halyqaralyq jastar kúni» Almatyda qandaı is-sharalar ótetinin málim etti, dep habarlaıdy QazAqparat tilshisi.

Spıkerdiń aıtýynsha, Almatyda Halyqaralyq jastar kúnin merekeleý aıasynda 18 is-shara ótedi.

«Onyń ishinde NEET sanatyndaǵy jastar arasyndaǵy kıbersport chempıonaty, Prezıdenttiń «Táýelsizdik urpaqtary» atty baǵdarlamasy aıasynda granttardy tapsyrý, ashyq aspan astyndaǵy kıno keshteri, podkast jazbalary, jastar chellendjderi men qalalyq kvestter, zııatkerlik kvestter, ashyq esik kúnderi, «Jaz Energy» Fest, Almaty qalasy ákimdigi janyndaǵy jastar jónindegi keńestiń otyrysy, senbilikter jáne taǵy basqa sharalar ótedi», - dedi Ázız Qajdenbek óńirlik kommýnıkatsııalar qyzmeti alańynda ótken brıfıngte.

Іs-sharalarǵa jastar qozǵalystary, kóshbasshylar, qoǵam belsendileri, jastar uıymdary, qala bazarlarynda jumys isteıtin jastar qatysady.