Halyqaralyq jarysqa qatysatyn Áýe shabýylyna qarsy qorǵanys áskerleriniń úzdik bólimshesi anyqtaldy

ASTANA. QazAqparat - Qazaqstannyń Qarýly Kúshterinde 2016 jylǵy Armııa halyqaralyq oıyndarynyń ártúrli kezeńderine daıyndyq qyzý júrip jatyr. QR QK Qurlyq áskerleriniń aýqymynda ÁShQQ áskerleriniń bólimshelerinde saıys aıaqtaldy, dep habarlaıdy QR Qorǵanys mınıstrliginiń baspasóz qyzmeti.

Onda Reseı Federatsııasynyń aýmaǵynda ótkiziletin «Ashyq aspan-2016» halyqaralyq armııa oıyndaryna qatysý úshin ZQZK, ZÝ-23-2 úzdik eseptoptary men bólimsheleri anyqtaldy. Jarysqa 50-ge jýyq adam qatysty.

Komandalardy «Ońtústik», «Shyǵys», «Batys» óńirlik qolbasshylyqtary men QR QK Aeroutqyr áskerleri usyndy. Saıys 5 kezeńde ótti.

7,2 shaqyrymdyq tuıyqtalǵan baǵdar boıynsha zenıttik bólimshelerdiń sprınterlik jarysy, mashınalar jyldamdyq ýchaskesinen, ıreleńnen, segizdikten, BTR nysanalary boıynsha atys ýchaskesinen, tikushaq jáne t.b. ótti.

Tasymaldanatyn zenıttik zymyrandyq keshender bólimsheleriniń sprınterlik jarysy 13,2 shaqyrymdyq baǵdar boıynsha ótti. Onda shartty tikushaqtyń nysanalary, áýe nysanalarynyń ımıtatorlary boıynsha atys júrgizildi, izinshe atty jáne sheńberdi, tosqaýyldardy jáne t.b. ótti.

Zenıttik bólimshelerdi qýdalaý jarysy 8,9 shaqyrymǵa, ZQZK bólimshelerin qýdalaý jarysy 17,2 shaqyrymǵa sozyldy. Zenıttik bólimsheler men ZQZK bólimsheleriniń quramdastyrylǵan estafetasy sheshýshi kezeń boldy. Qorytyndysy boıynsha úzdik bólimsheler irikteldi. Aeroutqyr áskerleriniń áskerı qyzmetshileri birinshi, «Shyǵys» ÓńQ ekinshi, «Ońtústik» ÓńQ úshinshi, «Batys» ÓńQ áskerı qyzmetshileri tórtinshi boldy.

Ári qaraı áskerlerde halyqaralyq kezeńge daıyndyq ótedi. Reseı Federatsııasyndaǵy saıysqa attanatyn jeńimpazdar men qatysýshylar aǵymdaǵy jyldyń maýsymynda anyqtalady.