Halyqaralyq jáne qazaqstandyq energetıkalyq kompanııalar Qazaqstan Respýblıkasyndaǵy áleýmettik jobalaryn usynady
ASTANA. 28 qyrkúıek. QazAqparat - VII KAZENERGY Eýrazııalyq Forýmy barysynda Forýmǵa qatysýshy kompanııalar SOCIAL ROOM alańynda Qazaqstan Respýblıkasynda iske asatyn ózderiniń áleýmettik jobalaryn usynady.
Bul týraly «KAZENERGY» Qaýymdastyǵy habarlap otyr.
Jyl saıyn munaı-gaz sektorynyń aldyńǵy kompanııalary el ıgiligi úshin áleýmettik jobalardy ázirlep, óz ınvestıtsııalaryn sol jobalardy júzege asyrýǵa baǵyttaıdy. Mundaı korporatıvti áleýmettik jaýapkershilik qoǵamda nasıhattalyp, KAZENERGY Eýrazııalyq Forýmy syndy kólemdi sharalar arqyly tanylyp qoldaý tabýy kerek.
VII KAZENERGY Eýrazııalyq Forýmy negizgi otandyq jáne shet eldik munaı-gaz salasynyń ókilderine KAZENERGY SOCIAL ROOM alańyn usynady. Bul alańda «KAZENERGY» Qaýymdastyq músheleri ózderiniń áleýmettik-ekonomıkalyq, sondaı-aq memlekettik jáne aımaqtyq aýqymdaǵy ekologııalyq baǵdarlamalardyń tusaýkeserlerin kórsete alady.
«Sharanyń mindeti - munaı-gaz salasyndaǵy kompanııalardy elimizdiń turaqty damýy men áleýmettik ál-aýqattylyǵyn qamtamasyz etip, halqymyzdyń ómir súrý sapasyn joǵarlatýǵa baǵyttalǵan áleýmettik-ekonomıkalyq jáne ekologııalyq jobalardyń belsendi qatysýshysy retinde tanytý», - deıdi sharany uıymdastyrýshy «KAZENERGY» Qaýymdastyǵy.
