Halyqaralyq zertteý nátıjesi: Jambyldyq oqýshylar úzdik dep tanyldy

TARAZ. Qazaqparat – Jambyl oblysynyń 4 jáne 8-synyp oqýshylary TIMSS halyqaralyq zertteýine qatysyp, respýblıka boıynsha joǵarǵy kórsetkishpen 1 oryndy ıelendi ,- dep habarlaıdy QazAqparat tilshisi.

Halyqaralyq negizgi zertteýdiń nátıjesinde oblystyń 4-synyp oqýshylary «Matematıkalyq saýattylyq» boıynsha 556 ball jınap, respýblıkalyq kórsetkishten 44 ballǵa joǵarylady. Al 8 synyp oqýshylary 584 balmen respýblıkalyq kórsetkishten 96 ball joǵary ornalasty. Bul týraly Jambyl oblysy ákimdiginiń bilim basqarmasynyń baspasóz qyzmeti habarlady.

«Sondaı-aq, «Jaratylystaný saýattylyǵy» boıynsha 4-synyp oqýshylary 545 ball jınap, respýblıkalyq kórsetkishten 51 ballǵa joǵary nátıje kórsetti. Al 8 synyp oqýshylary 559 ball jınady. Bul respýblıkalyq kórsetkishten 81 balǵa joǵary. Jalpy TIMSS halyqaralyq negizgi zertteýine oblys boıynsha 17 bilim mekemesiniń 4-synyptyń 396 oqýshysy, 8-synyptyń 402 oqýshysy qatysqan. Sonymen qatar, 4-synyptyń 21 jetekshisi men 8-synyptyń 110 jaratylystaný-matematıka baǵytyndaǵy pán muǵalimderi arnaıy berilgen saýalnamalardy toltyrǵan»,-delingen basqarma habarlamasynda.

Jalpy, aıta keteıik, TIMSS jobasy bastaýysh jáne negizgi mekteptiń bilim sapasyn baǵalaıtyn halyqaralyq zertteýlerdiń biri. Bul halyqaralyq zertteýdiń maqsaty – ártúrli elderdegi bilim júıesi men orta mektep oqýshylarynyń jaratylystaný – matematıkalyq daıyndyq deńgeıin salystyrmaly baǵalaý jáne osy daıyndyq deńgeıine áser etetin faktorlardy anyqtaý bolyp tabylady.