Halyqaralyq zertteý: Aqtaýdaǵy eki mektep úzdik dep tanyldy
AQTAÝ. QazAqparat - 2021 jyly Aqtaý qalasynyń mektepteri PISA halyqaralyq zertteýine qatysyp, nátıjesinde eki mektep Qazaqstannyń úzdik mektepteriniń tizimine endi, dep habarlaıdy QazAqparat tilshisi.
«Ótken jyly Qazaqstanda aprobatsııalyq zertteý júrgizildi, oǵan elimizdiń 200 mektebi qatysty. Nátıjesinde Aqtaý qalasynyń mamandandyrylǵan IT-lıtseıi birinshi orynǵa ıe bolyp, 9-orta mektep Qazaqstannyń úzdik mektepteriniń tizimine kirdi»- dedi Aqtaý qalasy ákimdiginiń baspasóz qyzmeti.
Aıta keteıik, PBTS (PISA-Based Test for Schools) – EYDU PISA negizinde ázirlegen halyqaralyq salystyrmaly zertteý. Dástúrli PISA zertteýinen aıyrmashylyǵy PBTS oqýshylarǵa mektep deńgeıinde syrtqy baǵalaýdy júrgizedi.
2022 jyly da Qazaqstanda PBTS zertteýine respýblıkanyń barlyq óńirlerinen 1 000-ǵa jýyq mektep qatyspaq. Bıyl da Mańǵystaý oblysynyń mektepteri bilimin synǵa salýdy josparlap otyr.
