Halyqaralyq WannaCry vırýstyq shabýylynan kelgen shyǵyn 1 mlrd dollardan asty
ASTANA. QazAqparat - Taıaýda WannaCry vırýsyn paıdalana otyryp, windows operatsııalyq júıesi bar kompıýterlerge jasalǵan kıber shabýyl 1 mlrd dollardan asatyn shyǵynǵa ákep soqty, dep habarlaıdy TASS agenttigi amerıkalyq sarapshylarǵa silteme jasap.
Olardyń aıtýynsha, 12 mamyr kúni bastalǵan kıbershabýyldyń saldarynan bir aptaǵa tolmaı shamamen 150 elden 300 myńǵa jýyq kompıýter zaqymdandy. Sonymen qatar, amerıkalyq mamandar bolashaqta osyǵan uqsas áreketti hakerler tarapynan ótkizýdi josparlap otyr.
«Dúnıejúzi boıynsha iri uıymdardaǵy óndiristiń tejelýiniń kólemimen alǵanda, WannaCry tarapynan tórt kún ishinde jasalǵan shyǵyn 1 mlrd dollardan asty», - deıdi KnowBe4 kompanııasynyń basshysy Stıý Sbıýverman.
Shadow Brokers laqap atyn jamylǵan hakerler toby ótken jyly-aq hakerlik shabýylǵa arnalǵan baǵdarlamalyq qamtamasyz etý júıesin (BJ) jasady. Hakerlerdiń málimdeýinshe, bul júıe AQSh-tyń Ulttyq qaýipsizdik agenttigi tarapynan qurylǵan.
