Halyqaralyq velosıpedshiler reıtınginde «Astana» veloklýby 4-orynda kele jatyr
ALMATY. 23 sáýir. QazAqparat - Halyqaralyq velosıpedshiler odaǵy (UCI) «Lej-Baston-Lej» velododasynan keıin reıtıngin jańartty.
Onda kásibı veloklýbtar arsynda «Astana» - 4, al ulttyq reıtıngte Qazaqstan -13 orynǵa kóterildi. Komandalyq esepte úzdik úshtikte Belgııalyq «Omega Pharma Quickstep»( 547 upaı), Italııandyq «Liquigas Cannondale» (516 upaı) men Reseılik «Katıýsha» (502 upaı) kele jatyr. Astanalyqtardyń qorjynynda 408 upaı bar. Al ulttyq reıtıngte Ispanııa (881), Italıııa (765) jáne Belgııa (674) kósh bastap kele jatyr. Al qazaqstandyqtarda - 100, reseılikterde - 8 upaı ǵana bar. Eger reseılikterdiń 24-orynda turǵanyn eskersek Qazaqstan sportshylarynyń kórsetkishi kóńil qýantarlyq deńgeıde ekenine kóz jetkizýge bolady.
