Halyqaralyq valıýta qorynyń derekterine qaraǵanda zańsyz esirtki aınalymynyń kólemi álemdik saýdanyń 10 paıyzyna teń - saıasattanýshy Álııa Balapanova
Y. Qyrkúıektiń 24-i. QazAqparat /Erlik Erjanuly/ - Halyqaralyq valıýta qorynyń derekterine qaraǵanda zańsyz esirtki aınalymynyń kólemi 600 mıllıard dollardy quraıdy. Bul búgin Almatyda ótken "Prezıdent Joldaýyn júzege asyrý barsyn jarııalaýdaǵy aqparattyq jumys tehnologııasynyń erekshelikteri" dep atalatyn dóńgelek ústel jıynynda aıtyldy, dep habarlaıdy QazAqparat.
"Aýǵan máselesiniń ózektiligin sheshý Qazaqstan úshin alǵashqy kezektegi mindetterdiń biri. EQYU-daǵy 56 memlekettiń 43-i Aýǵanstandaǵy áskerı operatsııalarǵa nemese ondaǵy ekonomıkany qalpyna keltirýge qatysýda. Aýǵanstan planetaǵy "otty" núktelerdiń biri sanalady. Odan lańkestik, esirtki saýdasy sııaqty basqa da qaýipter taralýda. Máselen BUU-nyń derekterine qaraǵanda álemde 114 mıllıon adam marıhýanany, 29 mıllıon adam stımýlıatorlardy, 14 mıllıon adam kokaındy, 13,5 mıllıon adam apıyndy, 9 mıllıon adam geroındy qoldanady", deıdi Qazaqtyń ál-Farabı atyndaǵy ulttyq ýnıversıtetiniń professory, saıasattaný ǵylymynyń doktory Álııa Balapanova. Á. Saqqyzynyń aıtýynsha, Qazaqstan álemniń ózge elderi sııaqty Aýǵanstandaǵy turaqtylyq pen beıbitshiliktiń saqtalýyna shyn júrekten múddeli. Sol sebepti kúshti alǵashqy kezekte gýmanıtarlyq sıpattaǵy jobalarǵa shoǵyrlandyrmaq.
