Halyqaralyq valıýta qorynyń boljamynsha, 2011 jyly álemdik ekonomıkanyń ósim deńgeıi bıyl 4,8 paıyzdy quraıdy
ALMATY. Qazannyń 28-i. QazAqparat /Erlik Erjanuly/ - Álemdik ekonomıkanyń ósimi 2010 jyly 4,8 paıyzdy quraýy múmkin. Bul jaıynda búgin Almatyda Halyqaralyq valıýta qorynyń "Kavkaz ben Ortalyq Azııa aımaǵyndaǵy ekonomıkalyq damýdyń keleshegi" týraly esebin jarııalaý kezinde aıtyldy.
"Álemdik ekonomıkada daǵdarystan keıingi qalpyna kelý úrdisi júrip jatyr. 2010 jylǵy ósim jyl basynda jarııalanǵan boljamnan joǵary bolǵaly otyr. Buǵan ekonomıkanyń qalpyna kelýiniń joǵary qarqynmen júrip jatqany túrtki bolyp otyr. Bizdiń boljamymyzǵa qaraǵanda, aǵymdaǵy jyly ósim 4,8 paıyzdy quraıdy", deıdi Halyqaralyq valıýta qorynyń Shyǵys pen Ortalyq Azııa elderi boıynsha departament dırektorynyń orynbasary Devıd Oýen.
Onyń aıtýynsha, qazir keıbir elderde ekonomıkalyq ósim baıaýlaýda. Sondyqtan aldaǵy jyl álemdik ekonomıkanyń ósim deńgeıi 4,2 paıyzdy quraıdy dep boljanýda.
