Halyqaralyq valıýta qory Ortalyq Azııa men Kavkaz aımaǵynyń damýyna qatysty boljamyn jarııalady

ALMATY. QazAqparat - Halyqaralyq valıýta qory Ortalyq Azııa men Kavkaz aımaǵy elderiniń ekonomıkalyq damýyna qatysty boljamyn jarııalady. Boljamǵa sáıkes Ortalyq Azııa men Kavkaz aımaǵy elderiniń ekonomıkalyq belsendiligi bırjalyq taýarlarǵa baǵanyń tómendeýinen baıaýlaı túspek. Sondaı-aq oǵan Reseı ekonomıkasy ósimi báseńdeýiniń ekinshi kezeńi de yqpal etedi.

Esepti HVQ Taıaý Shyǵys jáne Ortalyq Azııa elderi aımaqtyq departamentiniń dırektory ıÝha Kıahkonen jarııalady. «Bıyl aımaqta ósim 3,4 paıyzdy quraıdy dep boljanyp otyr. Sondaı-aq valıýta baǵamynyń tómendeýinen de aımaqta ınflıatsııalyq qysym kóterilip keledi. Inflıatsııa 7 paıyzǵa deıin jetýi ǵajap emes. Reseı ekonomıkasyn qysymdaý aqsha aýdarymdaryn, eksport pen tikeleı ınvestıtsııalardyń aǵynyn tejeıdi», - dedi ıÝ.Kıahkonen. Sarapshylardyń paıymdaýynsha, munaı baǵasynyń quldyraýyna qaramastan, Reseıdegi ekonomıkalyq quldyraý ýaqytsha sıpat alýy yqtımal. Ortalyq Azııa men Kavkaz aımaǵynyń birqatar elderi qysqa merzimde ekonomıkalaryn kóterý úshin rezervtegi qorlaryn paıdalanady. «Kapıtaldy shyǵyndar men aǵymdaǵy shyǵyndardy qysqartý, salyq jeńildikterin joıý, memlekettik tabysty basqarý júıesin jetildirý rezervti tolyqtyrýǵa múmkindik berip, ınfraqurylymǵa qajet ınvestıtsııanyń kólemin arttyrýǵa kómektesedi», - delingen esepte. Sondaı-aq sarapshylardyń aıtýynsha, qurylymdyq reformalar júrgizý men ishki saladaǵy básekelestikti arttyrý aımaqtyń ekonomıkasynyń ósýine jaǵdaı jasaıdy.