Halyqaralyq valıýta qory Qazaqstan ekonomıkasyna qatysty boljamyna ózgeris engizdi
ALMATY. Qazannyń 28-i. QazAqparat /Erlik Erjanuly/ - Halyqaralyq valıýta qory Qazaqstan ekonomıkasynyń ósimi bıyl 5,5 paıyz bolady dep boljap otyr. Bul jaıly búgin Almatyda ótken baspasóz máslıhatynda málim boldy.
«Biz jarty jyl buryn Qazaqstan ekonomıkasynyń ósimin 2 paıyz dep boljaǵan edik. Ekonomıkanyń qalpyna kelý deńgeıi joǵary bolyp otyr», - deıdi Taıaý Shyǵys pen Ortalyq Azııa boıynsha departamenti dırektorynyń orynbasary Devıd Oýen.
Onyń paıymdaýynsha, Qazaqstan ekonomıkasynyń ósimi álemdik naryqtaǵy shıkizat baǵasymen tyǵyz baılanysty. Jalpy el ekonomıkasynyń damýyndaǵy bıylǵy qarqyn aldaǵy jyly da saqtalady dep boljanyp otyr.
