Halyqaralyq valıýta qory elimizdegi mıssııasyn bastady

ASTANA. QazAqparat - Búgin Ulttyq ekonomıka vıtse-mınıstri Azamat Ámrın jáne Halyqaralyq valıýta qorynyń bıýdjettik máseleler jónindegi departamentiniń aǵa ekonomısi, mıssııa basshysy Saje De Klerk kezdesti, dep habarlaıdy QazAqparat.

Vedomstvo málimetinshe, sharaǵa ortalyq memlekettik organdardyń, Ulttyq bank, «Samuryq-Qazyna» UÁQ, Joǵary aýdıtorlyq palata, Ekonomıkalyq zertteýler ınstıtýtynyń jáne HVQ ókilderi qatysqan.

Kezdesý barysynda taraptar ekijaqty yntymaqtastyq máselelerin talqylap, HVQ mıssııasynyń jumysyn bastady.

Tehnıkalyq kómek sheńberinde sheteldik sarapshylar bıýdjet-salyq salasynyń ashyqtyq deńgeıin baǵalaıdy.

Atap aıtqanda, bıýdjettik eseptilikti, salyq-bıýdjettik boljamdardy jáne bıýdjetti qalyptastyrý, bıýdjettik táýekelderdi taldaý men basqarýdy, sondaı-aq tabıǵı resýrstardan túsetin túsimderdi basqarýdy zerdeleý josparlanǵan.

Ulttyq ekonomıka vıtse-mınıstri A.Ámrın atap ótkendeı, HVQ-nyń baǵalaý qorytyndylary boıynsha usynymdary bıýdjet-salyq saıasatyn odan ári jetildirý sheńberinde, onyń ishinde jańa Bıýdjet jáne Salyq kodeksterin ázirleý kezinde paıdalanylatyn bolady.

Halyqaralyq valıýta qorynyń mıssııasy 6 aqpanǵa deıin jalǵasady.

HVQ sarapshylary QR Parlamenti Senatynyń depýtattarymen, ortalyq memlekettik organdardyń ókilderimen birqatar kezdesýler ótkizedi.

Foto: t.me/presseconomy