Halyqaralyq valıýta qory Danııar Aqyshevtiń jumysyna joǵary baǵa berdi
ASTANA. QazAqparat - Halyqarlyq valıýta qory Qazaqstandaǵy mıssııasynyń basshysy Mark Horton QR Ulttyq banki tóraǵasy Danııar Aqyshevtiń elimizdiń bank sektoryn nyǵaıtýdaǵy jumystaryna joǵary baǵa berdi, dep habarlaıdy QazAqparat.
«Aqyshev (Ulttyq bank tóraǵasy Danııar Aqyshev) myrzanyń belgili bir deńgeıde qysymda júrgendigi jaıynda habardarmyz. Bul onyń qol jetkizgen tabystaryn da kórsetedi. Óıtkeni, ol kúrdeli jumys atqarýda. Daǵdarys aıasynda paıyzdyq stavkany barynsha joǵary deńgeıde jáne ınflıatsııalyq boljaldy belgili bir shekte ustap turý úshin ekonomıkany turaqtandyrý qıyn shara. Bul da naqty bir deńgeıde ekonomıkaǵa aýyrtpalyq túsiredi. Naqty bireýlerdiń bankter ótimdi bolýy úshin paıyzdyq stavkalardyń tómen bolǵandyǵyn qalaıtyndyǵyn túsinemin. Ózderińizde BTA-da, bank sektorynda ne bolǵanyn, qaıtarylmaıtyn nesıeler jaıynda estigen de shyǵarsyzdar. Bul ahýal birneshe jyl boıy jınaqtalyp keldi jáne Aqyshev myrza bul ahýaldy retteýge tyrysýda», - dedi Horton.
Osy oraıda HVQ ókili ekinshi deńgeıli bankterdiń aktsıonerleri óte kúshti ekendigin basa aıtty.
«Sondyqtan sektordaǵy problemany sheshý ekinshi deńgeıli bankterdiń aktsıonerleri tarabynan reaktsııa týyndatady. Bul tabıǵı protsess. Kez kelgen elde ortalyq bank eki baǵytta jumys jasaıdy. Biri ınflıatsııalyq qysymdy tómendetý, ekinshisi bank sektorynyń uzaqmerzimdi máselelerin sheshý. Bizdiń oıymyzsha, Aqyshev myrza óziniń jumysyn barynsha jaqsy júrgizýde», - dedi sheteldik sarapshy.
Sondaı-aq ol Qazaqstannyń Ulttyq banki ashyq jumys júrgizip jatqandyǵyn basa aıtty.
«Shyndyǵyn aıtqanda Aqyshev myrza óte kúrdeli jaǵdaıda jaqsy jumys júrgizip jatyr dep esepteımiz. Keshe bizdiń birlesken suhbatymyz boldy. Aqyshev myrzaǵa keleshekte qoldaý kerek bolady. Jumys áli aıaqtalǵan joq. Biz Prezıdent Nazarbaev tarabynan oǵan kúshti qoldaý kórsetilgendigin qanaǵattanýshylyqpen atap óttik. Bul da jaqsy belgi», - dedi Horton.
