Halyqaralyq uıymdardyń Qazaqstanǵa qatysty esepteriniń barlyǵy birdeı shyndyqqa saı emes
ASTANA. 19 qyrkúıek. QazAqparat - Halyqaralyq uıymdardyń Qazaqstanǵa qatysty esepteriniń barlyǵy birdeı shyndyqqa saı emes. Bul týraly búgin «2012 jyly Qazaqstan Respýblıkasyndaǵy adam quqyqtarynyń ahýaly týraly» jáne «Qazaqstan Respýblıtkasnydaǵy mıgranttar quqyqtarynyń ahýaly týraly» baıandamalarynyń halyqaralyq tusaýkeserinde QR Syrtqy ister mınıstri Erlan Ydyrysov aıtty.
Mınıstrdiń atap ótýinshe, búgingi tańda Qazaqstannyń halyqaralyq keńistiginde júzdegen halyqaralyq uıymdar men úkimettik emes uıymdar jumys isteýde. Olar elimizdiń quqyq qorǵaý sektorymen seriktestik ornatyp, granttar alyp, ol granttary Qazaqstannyń demokratııalyq damýy salasynda júzege asyrýda.
«Barlyǵy da bizdiń elimizdegi ahýalǵa monıtorıng júrgizip, baıandamalar, esepter jasaýda. Olardy halyqaralyq uıymdarǵa jóneltýde. ıAǵnı, olar bul saladaǵy Qazaqstan týraly qoǵamnyń oı-pikirin qalyptastyrady. Degenmen, bizdiń kózqarasymyzsha, atalǵan ÚEU-lerdiń, onyń ishinde sheteldik úkimetterdiń de esepteriniń barlyǵy birdeı shyndyqqa saı kelmeıtindigin atap ótkim keledi. Olar tek el áli de jumys júrgizip otyrǵan problemalarǵa ǵana nazar aýdarady ári ony Qazaqstannyń saıası reforma júrgizýge qulyqsyzdyq tanyp otyrǵandyǵyn qýattaıtyn fakti retinde kórsetedi», - dedi ol.
Mınıstrdiń atap ótýinshe, olar memleket qol jetkizgen kórnekti nátıjelerdi baıqamaıdy ne bolmasa ol jaıynda únsiz qalǵandy jón kóredi. Degenmen E.Ydyrysovtyń paıymynsha, elimizde júrgizilip jatqan mundaı birjaqty jumysqa qaramastan Qazaqstan halyqaralyq qoǵamdastyqtyń tyrysyp baǵýynan paıda da kórip otyr.
