Halyqaralyq uıymdar elimizdiń densaýlyq saqtaý salasynda birqatar jobalardy iske asyrýda
ASTANA. 22 qyrkúıek. QazAqparat - Elimizde «Salamatty Qazaqstan» baǵdarlamasynyń aıasynda halyqaralyq uıymdarmen birlesken birqatar jobalar iske asyrylýda,
dep habarlady Pm.kz saıty QR Densaýlyq saqtaý mınıstrliginiń baspasóz qyzmetine silteme jasap.
«BUU-nyń «Myńjyldyqtyń damý maqsattary» baǵdarlamasyn, Damý maqsatynda kómek kórsetý jónindegi BUU-nyń 2010-2015 jyldarǵa arnalǵan Negizdemelik baǵdarlamasyn (ıÝNDAF), Qazaqstan Respýblıkasynyń densaýlyq salasyn damytýdyń 2011-2015 jyldarǵa arnalǵan «Salamatty Qazaqstan» memlekettik baǵdarlamasyn júzege asyrý aıasynda elimizdiń densaýlyq saqtaý salasynda halyqaralyq uıymdarmen birlesken birqatar joba iske asyrylýda», - delingen vedomstvo habarlamasynda. Atap aıtqanda, Qazaqstan Respýblıkasynyń Densaýlyq saqtaý mınıstrligi men Dúnıejúzilik densaýlyq saqtaý uıymy Eýropalyq óńirlik bıýrosynyń arasyndaǵy yntymaqtastyq týraly ekijyldyq kelisim Dúnıejúzilik densaýlyq saqtaý uıymymen birlesip júzege asyrylýda.
«Ekijyldyq kelisimniń negizgi baǵyttary salaýatty ómir saltyna basymdyq bere otyryp ana men bala densaýlyǵyn nyǵaıtý, ınfektsııalyq aýrýlardyń aldyn alý jáne baqylaý sharalary nyǵaıtý, densaýlyq saqtaý júıelerin nyǵaıtý, ınfektsııalyq emes aýrýlardyń aldyn alýdy kúsheıtý bolyp tabylady», -delingen habarlamada.
Sondaı-aq QR Densaýlyq saqtaý mınıstrligi men ıÝNISEF-tiń arasynda ár eki jyl saıyn balalar men jasóspirimderdiń densaýlyǵyn qorǵaý salasyndaǵy ózekti máselelerdi sheshý jónindegi ekijyldyq josparlar jasalyp otyrady.
Atap aıtqanda, 2012 jyldyń qańtar aıynan bastap «Qazaqstanda otbasyǵa jáne balalar ıýstıtsııasyna arnalǵan balalyq shaqty qorǵaý» jónindegi 2012-2013 jyldarǵa arnalǵan balalyq shaqty qorǵaý jobalary qolǵa alynady.
Jáne BUU-nyń Halyq sany salasyndaǵy qory (ıÝNFPA) Qazaqstanǵa analardyń ómirin qorǵaý, otbasyn josparlaý jáne reprodýktıvti densaýlyqty jaqsartý qyzmetterine qoljetimdilikti arttyrý salasynda kómek kórsetýde.
Al týberkýlezben jáne VICh/SPID-pen aýyrý deńgeıin tómendetý jáne ol aýrýlardan bolatyn ólim-jitimdi azaıtý jónindegi baǵdarlamanyń aıasynda BUU Damý baǵdarlamasy men ıÝNEIDS baǵdarlamasy elimizdiń penıtentsıarlyq júıesinde VICh jáne S gepatıtimen aýyratyn naýqastarǵa kómek kórsetýde.
