Halyqaralyq týrnırde qazaqstandyq boksshy jartylaı fınalǵa shyqty

ASTANA. QazAqparat - Bokstan Qazaqstan quramasy Vengrııanyń Debretsen qalasynda ótip jatqan Ishtvan Bochkaıdi eske alýǵa arnalǵan halyqaralyq týrnırde alǵashqy medaline qol jetkizdi, dep habarlaıdy QazAqparat tilshisi.

Qazaqstandyq bylǵary qolǵap sheberi Damır Ábdiqadyr 51 keli salmaqta shırek fınalda ázerbaıjandyq Hasan Malıkovpen qolǵap túıistirdi.

Tóreshilerdiń biraýyzdan sheshimimen jeńis Damırge berildi.

Qazaqstandyq bapkerler atalǵan týrnırge el quramasy sapynda 13 boksshyny alyp bardy.

Olardyń qatarynda Damır Ábdiqadyrdan basqa Temirtas Júsipov (48 keli), Dáýlet Moldashev (54 keli), Serik Temirjanov (57 keli), Samatalı Tóltaev (60 keli), Sanatalı Tóltaev (63,5 keli), Dýlat Bekbaýov (67 keli), Ermahan Jakpekov (71 keli), Aıatýlla Tákijanov (75 keli), Nurbek Oralbaı (80 keli), Shaımurat Qusaıynov (86 keli), Aıbek Oralbaı (92 keli), Damır Toıbaı (92 keliden joǵary) bar.

Eske salsaq, budan buryn Gennadıı Golovkınniń álem chempıony tıtýlynan bas tartqany habarlandy.

Foto: sports.kz