Halyqaralyq týrnırde Qazaqstan hokkeıshileri Reseıge ese jiberdi

ASTANA. QazAqparat - Búgin Astanada halyqaralyq «Qazaqstan Hockey Open 2023» týrnırindegi alǵashqy oıynda Qazaqstan quramasy Reseıge ese jiberdi, dep habarlaıdy QazAqparat tilshisi.

Kezdesý barysynda quramalar tartysty oıyn ótkizdi. Birinshi kezeńde bir-biriniń qaqpasynan sańylaý taba alǵan joq.

Ekinshi kezeńde 28-mınýtta Nıkolaı Polıakov esep ashyp ketti. Degenmen odan tablodaǵy esepke ózgeris engen joq.

Úshinshi kezeńde qazaqstandyq hokkeıshiler tarazy basyn teńestirýge umtyldy. Alaıda 48-mınýtta Nıkolaı Polıakov taǵy bir márte qaqpany dál kózdep, Reseı quramasynyń basymdyǵyn arttyrdy.

Al 55-mınýtta Marat Haırýllın qorytyndy esepti belgiledi.

Osylaısha Qazaqstan quramasy qarsylasyna 0:3 esebimen jol berdi.

Endi atalǵan týrnır aıasynda qazaqstandyq hokkeıshiler 7 mamyrda Belarýspen sheberlik baıqasady.

Al 6 mamyrda Reseı men Belarýs kezdesedi.

Al, 13 mamyrda el quramasy Fınlıandııanyń Tampere jáne Latvııanyń Rıga qalasynda ótetin álem chempıonatynda V tobyndaǵy oıynyn bastaıdy. Qarsylastary – Kanada, AQSh, Shveıtsarııa, Slovakııa, Latvııa, Norvegııa jáne Slovenııa.