Halyqaralyq tranzıttik poıyzdardyń qashan iske qosylatyny belgili boldy
NUR-SULTAN. QazAqparat - Jolaýshylar poıyzyn iske qosýdyń ekinshi kezeńine sáıkes, jol júrýdi jańartý 2020 jyldyń 10 maýsymynan bastalady, dep habaarlaıdy QazAqparat QR Indýstrııa jáne ınfraqurylymdy damytý mınıstrliginiń baspasóz qyzmetine silteme jasap.
Poıyzdardyń 39 jubyn iske qosý josparlanýda, onyń ishinde 6 talgo, 14 standartty jáne 19 qala mańy.
Bóten quramdy halyqaralyq tranzıttik poıyzdardyń 21 juby kórshiles Temir jol ákimshilikterinen jedelhattarǵa sáıkes júzege asyrylatyn bolady.
Іske qosýdyń birinshi kezeńinde jolaýshylar poıyzynyń 54 juby qatynaıtyn bolady. 1 maýsymnan bastap-35 jup poıyz, 2 maýsymnan bastap-11 jáne 3 maýsymnan bastap-8 jup poıyzdar.
Jol júrý bıletterin satý aǵymdaǵy jyldyń 15 mamyrynan bastap ashyldy jáne 2 maýsymdaǵy jaǵdaı boıynsha 490 myń bılet satyldy jáne 51,6 myń jolaýshy tasymaldandy.
Jolaýshylardy tasymaldaý kezinde kelesi sanıtarlyq talaptar sharalary qamtamasyz etilgen:
- kóliktegi memlekettik sanıtarlyq dárigerdiń 14 mamyrdaǵy №9 talaptaryn saqtaý jolaýshylardy otyrǵyzý jáne túsirý kezinde jolaýshylar arasyndaǵy qaýipsizdik qashyqtyqty saqtaýdy qamtamasyz etý (1 metrden kem emes).
- jolaýshylardyń jeke qorǵaný quraldarynyń (maskalar) mindetti bolýyn jáne alyp júrýin baqylaý);
- jolaýshylardy daýys zoraıtqysh baılanys boıynsha jolaýshylar qozǵalysyn shekteý talaptary týraly habardar etý;
- jýý jáne dezınfektsııalaý quraldaryn qoldana otyryp, aǵymdaǵy ylǵaldy tazalaý júrgizý;
- jolserikterdi medıtsınalyq maskalarmen qamtamasyz etý;
- qalyptastyrý pýnktterinde jyljymaly quramdy dezınfektsııalaý.
