Halyqaralyq tórelik ortalyǵy Qazaqstannyń ınvestıtsııalyq tartymdylyǵyn arttyrady - A. Jumaǵulov
ASTANA. QazAqparat - Halyqaralyq tórelik ortalyǵy Qazaqstannyń ınvestıtsııalyq tartymdylyǵyn arttyrady. Bul pikirdi dóńgelek ústel aıasynda Astana ekonomıkalyq sotynyń tóraǵasy Aqan Jumaǵulov bildirdi.
«Halyqaralyq tórelik ortalyǵyn qurý josparlanýda. Bul júıe sotqa jatpaıdy, jeke ortalyq bolady. Tórelik daýda negizinen óndiris iri ınvestorlardy tartý úshin, daýlar týyndaǵan jaǵdaıda olardy sheshýdiń halyqaralyq standarttaryn qoldaný, naqty ister boıynsha sheshim qabyldaý úshin aǵylshyn tilinde júrgiziledi. Qazir munymen ekonomıkalyq sot aınalysýda. Bizde ınvestıtsııalyq daýlar asa kóp emes. Endi arnaıy ekonomıkalyq aımaqtyń qurylýyna, sondaı-aq osy zańdy qabyldaýǵa baılanysty kóptegen ınvestorlar Qazaqstannyń ekonomıkalyq damýyna qatysatyn bolady, sol kezde daýlar ulǵaıýy múmkin. Ortalyq Astanada ornalasady. Al qalǵan kásipkerlik daýlardy burynǵysha ekonomıkalyq sot qaraıtyn bolady», - dedi A. Jumaǵulov.
Eske salsaq, búginde Astana ekonomıkalyq sotynda «Ult jospary: Memleket basshysynyń bes ınstıtýtsıonaldyq reformasyn iske asyrý boıynsha 100 qadam. Zań ústemdigin qamtamasyz etý boıynsha ınstıtýtsıonaldyq reforma» taqyrybynda dóńgelek ústel ótýde.
