Halyqaralyq tennıs týrnırleri taǵy da keıinge shegerildi
NUR-SULTAN. QazAqparat – Koronavırýs indetine baılanysty halyqaralyq tennıs týrnırleri shilde aıynda da ótpeıtin boldy, dep habarlaıdy QazAqparat tilshisi.
Kásipqoı tennısshiler qaýymdastyǵy (ATP) 31 shildege deıin eshqandaı jarystyń bolmaıtynyn málimdedi.
Bul – erler arasynda ATP ǵana emes, ITF ótkizetin chellendjer jáne basqa týrnırler bolmaıdy degen sóz.
Bylaısha aıtqanda, Gambýrg, Bastad, Nıýport, Los-Kabos, Gshtaad, Ýmag, Atlanta jáne Kıttsbıýel dodalary buryn josparlanǵan merziminde ótpeıdi.
ATR basshysy Andrea Gaýdentsı tennısshiler men kórermenderdiń densaýlyǵy eń basty basymdyq ekenin aıta otyryp, indettiń beti qaıtqan jaǵdaıda jarystardy ótkizýdiń barlyq múmkindikterin qarastyratynyn jetkizdi.
Al 1 tamyzdan bastap kózdelgen týrnırlerdiń taǵdyry maýsym aıynyń ortasynda sheshiledi.
Sonymen qatar Áıelder tennısi qaýymdastyǵy (WTA) da shilde aıynda josparlanǵan Bostad (Shvetsııa), Lozanna (Shveıtsarııa), Býharest (Rýmynııa) jáne ıÝrmala (Latvııa) jarystarynyń ótpeıtindigin jarııalady.
Ótken jyly dál osy Býharest týrnırinde qazaqstandyq, qazir álemdik reıtıngte 17-orynda turǵan Elena Rybakına jeńimpaz atanyp, óz sporttyq jolyndaǵy alǵashqy iri tabysyna qol jetkizgen edi.
Bıyl sondaı-aq Karlsrýe (Germanııa) men Palermo (Italııa) dodalaryn ótkizý merzimi týraly sheshim maýsym aıynda qabyldanady. Jarystar kúntizbesine basqa da ózgerister engizilýi yqtımal.
Budan buryn naýryz aıynda jarystar maýsymǵa deıin shegerilgen edi. Sodan keıin ATP men WTA barlyq týrnırlerdi 13 shildege deıin toqtatý týraly birlesken sheshim qabyldaǵan bolatyn.
Eske sala keteıik, budan buryn Rolan Garros týrnıriniń taǵy bir aptaǵa keıinge shegerilgenin jazǵan bolatynbyz.
