Halyqaralyq teńiz jobalarynyń ınvestorlary Mańǵystaý oblysynyń áleýetin talqylady
ASTANA. QazAqparat - Búgin Mańǵystaý oblysynyń ákimdiginde munaı jáne gaz salasyna ınvestıtsııa tartý maqsatynda oblys ákimi Eraly Toǵjanov «Bıbı Enerdjı», «Enervo Enerdjı» kompanııasynyń ókilderimen kezdesti.
Bul týraly óńir basshysynyń baspasóz qyzmeti habarlady.
Búgingi kúnde Kaspıı jaǵalaýyndaǵy elder ózara yntymaqtastyq júrgizip otyr. Túrkııa jáne Mańǵystaý oblysynyń taýar aınalymy 2017 jyldyń birinshi jartyjyldyǵynda 25,4 mln AQSh dollaryn qurady, ol 2016 jylmen salystyrǵanda 2,6 esege artyq.
Investorlarmen usynylǵan jobanyń bolashaǵy zor, óıtkeni «Bıbı Enerdjı» kompanııasy Mańǵystaý oblysynyń aımaǵynda bıtýmdy óńdeýmen aınalysatyn bolady. Investıtsııa somasy 120 mln AQSh dollary. Bul qurylys barysynda 200 jańa jumys ornyn jáne iske qosylǵan kezinde 160 oryn ashýǵa múmkindik beredi. Investorlarǵa usynylǵan jer «Aqtaý teńiz porty» arnaıy ekonomıkalyq aımaǵynyń aýmaǵynda ornalasqan.
Mańǵystaý oblysy ákimdigi men «Bıbı Enerdjı», «Enervo Enerdjı», «Kassanov Investment Grýpp» arasyndaǵy tórtjaqty yntymaqtastyq týraly memorandýmǵa qol qoıyldy.
Kezdesýde aımaqtyń ınvestıtsııalyq áleýeti tanystyryldy. «Bıbı Enerdjı» kompanııasy elektr energııasyn satý jáne saýda, logıstıka salalarynda úlken tájirıbesi bar álemdik jetekshi, táýelsiz kompanııalardyń qataryna kiredi. Kompanııa jyl saıyn 17 mln metrıkalyq tonna shıki munaı jáne onyń ónimderin satýda.
- Búgingi kezdesý bizdiń yntymaqtastyqqa jańa serpin beretin bolady, óıtkeni bizdiń aımaq jańa qyzmet salasyn jáne jańa jobalardy ashýǵa múmkindik beredi. Aımaq basshysy Eraly Toǵjanov oblys ákimdigi kez kelgen birlesken bastamalarǵa jáne ınvestıtsııany qorǵaý máselesinde de qoldaý kórsetýge daıyn ekendigine senim bildirdi.
