Halyqaralyq teatr kúni alǵash ret «Sahnager-2017» ulttyq teatr syılyǵy tapsyryldy
Saltanatty jıyn Qazaqstannyń teatr qaýymdastyǵynyń ókilderiniń qatysýymen ótti. Osy jyly Qazaqstanda Halyqaralyq teatr kúni teatr óneri salasyndaǵy eleýli oqıǵa - «Sahnager-2017» ulttyq teatr syılyǵyn tapsyrý saltanatymen erekshelendi.
Qazaqstandyq «Sahnager-2017» ulttyq teatr syılyǵy «Samuryq-Qazyna» Ulttyq ál-aýqat qory» AQ qoldaýymen 2017 jyly Qazaqstan Teatrlary assotsıatsııasynyń bastamasymen taǵaıyndalyp otyr. Ulttyq syılyq teatr dástúrin saqtaý men nyǵaıtýǵa baǵyttalǵan.
Qazaqstan Teatrlary assotsıatsııasynyń (QTA) negizi 2016 jyly qalanǵan. Onyń prezıdenti bolyp M.Áýezov atyndaǵy Qazaq memlekettik akademııalyq drama teatrynyń kórkemdik jetekshisi, Qazaqstan men KSRO Halyq ártisi, Memlekettik syılyqtar laýreaty, Reseı Federatsııasynyń «M. Lomonosov» ordeniniń kavaleri, «Otan», «Dostyq» ordenderiniń kavaleri Asanáli Áshimov taǵaıyndalǵan bolatyn.
Qazaqstandyq «Sahnager-2017» ulttyq teatr syılyǵy azamattarǵa teatr óneri salasyndaǵy shyǵarmashylyq jetistikter úshin beriledi. Teatr qaýymdastyǵynyń pikiri boıynsha, syılyq qazaqstandyq patrıotızm men ulttyq mádenıetke degen súıispenshilikti nyǵaıtýǵa baǵyttalyp, eńbekke, kásibı jetistikke, Otanǵa qyzmet etýge, joǵarǵy patrıottyq ıdeıalarǵa oń kózqaras qalyptastyratyn týyndylardyń dúnıege kelýine yqpal etý tıis.
Sondaı-aq, «Sahnager» syılyǵy elimizdiń mádenı keńistigin biriktirip qana qoımaı, shyǵarmashylyq tájirıbemen turaqty almasý úshin jaǵdaı jasamaq. Ulttyq syılyq aıasynda jas daryndy ártisterdi qoldaýǵa erekshe nazar aýdarylatyn bolady.
«Sahnager» syılyǵy kelesi 15 nomınatsııa boıynsha úzdikterdi anyqtaıdy. Olar: «Jyldyń úzdik rejısseri», «Jyldyń úzdik qoıýshy-sýretshisi», «Jyldyń kostbm boıynsha úzdik sýretshisi», «Jyldyń jaryq boıynsha úzdik sýretshisi», «Úzdik áıel róli», «Úzdik er róli», «Jyldyń úzdik spektakli», «Jyldyń úzdik balalarǵa arnalǵan spektakli», «Jyldyń úzdik dramatýrgy», «Jyldyń úzdik grımeri», «Jyldyń úzdik teatr synshysy», «Spektakldiń úzdik mýyzkalyq rásimdelýi», «Teatr ónerin damytýǵa qosqan úlesi úshin», «Jyl ashýy», «Úzdik opera/balet partııasy» nomınatsııalary.
«Sahnager-2017» ulttyq teatr syılyǵynyń ıegerlerine arnaıy dızaınmen jasalǵan kýbokpen qosa, 1 mln. teńge aqshalaı syılyq tabystaldy.
Teatr ónerin damytýǵa qosqan orasan zor eńbegi úshin ótken jyly 100 jyldyq mereıtoıyn atap ótken Aısha Abdýlına men Asanáli Áshimov atalyp ótildi.
«Sahnalyq ǵumyr» nomınatsııasy Dýlat Isabekov, ıÝrıı Pomerantsev, Merýert Ótekeshova, Quralaı Eshmuratova, Gúljan Áspetova, Baqytbek Alpysbaev, Kendebaı Temirbaev, Talǵat Temenov syndy teatr maıtalmandaryna berildi.
Sarapshylardyń baǵalaýymen «Úzdik rejısser» - Nurqanat Jaqypbaı, «Úzdik dramatýrg» - Madına Omarova, «Úzdik akter» - Dýlyǵa Aqmolda, «Úzdik aktrısa» - Krıstına Zolochevskaıa, «Úzdik opera solısi» - Dına Hamzına, «Úzdik balet artısi» - Tatıana Ten, «Úzdik balet artısi» -Baqtııar Adamjan, «Úzdik sahna sýretshisi» - Qanat Maqsutov, «Úzdik baletmeıster» - Larısa Kım, «Úzdik teatrtanýshy» - Baqyt Nurpeıis, «Úzdik ekinshi plan akteri» - Jomart Zeınábil, «Úzdik ekinshi plan aktrısasy» - Irka Abdýlmanova, «Úzdik menedjer» - Rýslan Tohtahýnov, «Úzdik dybys rejısseri» - Lázzat Qystyqbaeva, «Úzdik kostıým sýretshisi» - Lıýbov Vozjennıkova atandy.
Sonymen qatar, arnaıy taǵaıyndalǵan «Úmit» syılyǵy 17 óner ıelerine tabystaldy.
Aıta keteıik, syılyqtyń irikteý týryna elimizdiń barlyq óńirinen 52 teatr ujymy qatysqan bolatyn.
