Halyqaralyq talapqa saı maman daıarlaýymyz kerek - Berdibek Saparbaev
Memleket basshysy Nursultan Nazarbaev halyqqa úndeý tastap, eldiń áleýmettik máselelerin sheshýge arnalǵan jańa bastamalardy tizbektedi. Qurylys jumystary qarqyn alyp, elimizdegi tórtinshi aglomeratsııa aımaǵyna engen Aqtóbe úshin ár bastamanyń mańyzy zor. Máselen, óńirde páter kezeginde 32 myńnan astam adam tur. Onyń 22 myńǵa jýyǵy Aqtóbe qalasynda kezek kútýde. Jyl saıyn turǵyn úı qurylysy qarqyn alǵanymen, áleýmettik muqtaj toptar úshin áli de páter máselesi ótkir tur.
«Árbir adam úshin baspana basty qajettilik bolyp sanalady. Nursultan Ábishuly sony eskere kele halyqty baspanamen qamtamasyz etýdiń jańa múmkindigin atady. Aqtóbe oblysynda 32 myń adam kezekte tur. Onyń 22 myńǵa jýyǵy Aqtóbe qalasynda. Ótken jyly Keńes Odaǵynda bolmaǵan 793 myń sharshy metr turǵyn úı paıdalanýǵa berildi. Bıyl kem degende 850 myń sharshy metr turǵyn úı paıdalanýǵa berilýi tıis. ıAǵnı, 22 myń aqtóbelikti pátermen qamtamasyz etýge múmkindik bar. Elbasy tapsyrmasyna saı qosymsha mindetter alamyz. Baspana salýdy kóbeıtý kerek», - dedi oblys ákimi Berdibek Saparbaev. Keıin óńir basshysy óz orynbasarlaryna tapsyrma berip, turǵyn úı qurylysy jumystaryn jetildirýdi atap ótti.
Elbasy ekinshi bastamada tabysy az jumysshylardyń jalaqysyn kóterý, salyq mólsherin azaıtýdy tapsyrdy. Qazirgi kezde Aqtóbe oblysy boıynsha 100 myńǵa jýyq adamnyń tabysy 60 myń teńgege jetpeıdi. Bul tizimdi naqtylaý úshin Aqtóbe oblystyq memlekettik kirister departamenti men Ádilet departamenti birlese jumys istep, aýyl, eldimekendegi adamdardyń tabysyn qaıta qaraıdy. Jıyn kezinde qajetti mamandarǵa grant bólý, stýdentterdi jataqhanamen qamtamasyz etý jaıy aıtyldy.
«Básekege qabiletti bolamyz desek, halyqaralyq talapqa saı maman daıyndaýymyz kerek. Nanotehnologııa, robototehnıka, tsıfrly tehnologııany meńgerý jastardyń mindeti. Aldaǵy ýaqytta granttyń sany ósedi. Soǵan oraı joǵary oqý oryndary óz usynysyn berýi tıis. Qazir oblysta 49 myńǵa jýyq stýdent bar. Arnaýly orta oqý oryndaryndaǵy stýdenterdiń 18 paıyzy jataqhanamen qamtamasyz etilgen. Kolledjderdiń 40 paıyzynda múlde jataqhana joq. Al JOO stýdentteriniń 38-40 paıyzy jataqhanamen qamtamasyz etilgen. Sondyqtan JOO basshylary jataqhana suranysyn bilý kerek. Aýyldan kelgen stýdentterdiń kóbi páter jaldaıdy nemese týystarynyń úıinde turady. Olar esepte joq. Páterge aqsha tóleıdi, aǵaıynnyń úıinde de jaǵdaılary belgili. Bárin qarap, oń sheshimin tabý kerek»,- dedi B.Saparbaev. 
