Halyqaralyq sybaılas jemqorlyqqa qarsy akademııa Nur-Sultan deklaratsııasyn qabyldaıdy
«Qazaqstannyń Halyqaralyq sybaılas jemqorlyqqa qarsy akademııamen yntymaqtastyǵy tájirıbelik mazmunmen baıytylǵan.Qazaqstannyń bastamasymen jáne tolyq qarjylaı qoldaýymen ótken jyldyń qarashasynda Aýstrııanyń Laksenbýrg qalasynda Ortalyq Azııa men Aýǵanstan elderiniń jemqorlyqqa qarsy organdarynyń qyzmetkerlerine arnalǵan semınar-trenıng ótti. Bul bastama sybaılas jemqorlyqqa qarsy kúrestegi óńirlik kóshbasshylyqty nyǵaıtýǵa, Aýǵanstandaǵy jaǵdaıdy turaqtandyrýda álemdik qaýymdastyqqa qoldaý kórsetýge baǵyttalǵan», - dedi QR Sybaılas jemqorlyqqa qarsy kúres agenttigi tóraǵasynyń birinshi orynbasary Oljas Bektenov elordada ótken Halyqaralyq sybaılas jemqorlyqqa qarsy akademııanyń segizinshi otyrysynda.
Onyń aıtýynsha, otyrys aıasynda Ortalyq Azııa men Aýǵanstan elderiniń jemqorlyqqa qarsy organdarynyń qyzmetkerlerine arnalǵan ekinshi semınar-trenıng ótedi. Oǵan Qazaqstan men kórshiles elderden 76 adam qatysady.
Sonymen birge, otyrys qatysýshylary ulttyq jáne jahandyq deńgeıde sybaılas jemqorlyqqa qarsy kúres jóninde Nur-Sultan deklaratsııasyn qabyldaıdy.
«Jıyn qorytyndysy boıynsha Nur-Sultan deklaratsııasyn qabyldaý josparlanyp otyr. Onda halyqaralyq akamdemııaǵa múshe elder uıymnyń aldaǵy damý bolashaǵyna qatysty óz pikirlerin bildiredi, ulttyq jáne jahandyq deńgeıde sybaılas jemqorlyqqa qarsy kúres salasynda negizgi baǵyttardy kórsetedi», - dedi O. Bektenov.
Aıta keetıik, Halyqaralyq sybaılas jemqorlyqqa qarsy akademııanyń segizinshi otyrysy 2019 jyldyń 2-4 qazanynda Nur-Sultan qalasynda ótedi.