Halyqaralyq standartqa saı alǵashqy túrme Qaraǵandy oblysynda salynbaq

Búgin QR Parlamenti Májilisiniń jalpy otyrysynda Іshki ister mınıstri Qalmuhanbet Qasymov osylaı málim etti. Jıyn barysynda Qylmystyq-atqarý kodeksiniń jobasy talqylanǵan bolatyn.

Іshki ister mınıstri Qalmuhanbet Qasymovtyń aıtýynsha, quqyqtyq saıasat tujyrymdamasyna sáıkes, sottalǵandardy otrıadtyq-baraqtyq ustaý jaǵdaıynan jeke kameralarǵa bólip ustaýǵa kóshý kózdelip otyr. Osyǵan oraı, Qylmystyq-atqarý kodeksiniń jobasynda sottalǵandardy kameralyq jeke ustaý jaǵdaıyna ıkemdeý jeke bólimmen qarastyrylady.

«Qazaqstandaǵy 57 myń 900 adamǵa arnalǵan 76 túzeý mekemeleri bar. Sonyń ishinde qazir bizde kameralyq jeke ustaý qamtamasyz etiletin 7 kamera bar, onda 5,5 myń adam ustalyp otyr. Al sottalǵandardy tutastaı jeke kameralarda ustaý úshin qoldanystaǵy mekemelerdi jańǵyrtý jáne jańa kolonııalar men tergeý oqshaýlaǵyshtaryn salý kerek. Al 37 myń adamdy osy tártippen ustaýǵa kóshý úshin keminde 25 myńǵa tarta mekeme qajet. Bólek-bólek kameralardy ustaýǵa kóshý kóp qarajatty kerek etedi. Sondyqtan, qoldanystaǵy mekemelerdi qalpyna keltirý óz aldyna, ustaý jaǵdaılary álemdik standarttarǵa saı keletin jańa kolonııalar men tergeý oqshaýlaǵyshtaryn salý qajettigi týyndap otyr. Muny memlekettiń kúshimen ǵana sheshe almaımyz. Soǵan oraı, biz memlekettik-jekemenshik áriptestik ustanymdary negizinde alǵashqy kolonııany Qaraǵandy oblysynda turǵyzbaqpyz», - deıdi mınıstr Q. Qasymov.