Halyqaralyq sport jýrnalısteri kúni joldastyq match bolady
ASTANA. 29 maýsym. QazAqparat - Astana qalasyndaǵy «Astana-Arena» stadıonynda 2 shilde kúni saǵat 12:00-de halyqaralyq sport jýrnalısteri merekesine arnalǵan sport jýrnalısteri men Qazaqstan Respýblıkasy
Sport jáne dene shynyqtyrý isteri agenttigi quramalarynyń arasynda joldastyq match ótedi. Bul týraly Qazaqstan Respýblıkasy Sport jáne dene shynyqtyrý isteri agenttiginiń baspasóz qyzmeti habarlaıdy.
Qalamy qarýy bolǵan kósemsóz ıeleri kásibı merekesin sımvolıkalyq túrde osylaısha atap ótpek.
Halyqaralyq sport kúnine arnalǵan matchtar men týrnırlar ótkizý jaqsy úrdiske aınalǵan. Sportpen aınalysýshylar qataryna jýrnalısterdi tartý - salaýatty ómir saltyn nasıhattaýǵa jańa ımpýls beredi.
Merekeni toılaý kúni Qazaqstan Respýblıkasy Sport jáne dene shynyqtyrý isteri agenttigi basshylyǵy eń myqty degen 20 sport jýrnalısin marapattaıdy.
Sport jýrnalısti kúni (World Sports Journalists Day) jyl saıyn 2 shildede toılanady. 1924 jyly dál sol kúni Parıjde shamamen myń jarymdaı odaqtyń basyn qosyp otyrǵan Halyqaralyq Sport Baspasózi Qaýymdastyǵy (AIPS) quryldy.
«Sport - jeke adamdardy ǵana emes, sonymen qatar, kóptegen elder men qurlyqtardy biriktirýshi kúsh bolyp qala bermek» - delingen agenttik taratqan habarlamada.
