Halyqaralyq «Shabyt» festıvali shymyldyǵyn ashady
ASTANA. QazAqparat - Erteń Táýelsizdik saraıynda halyqaralyq «Shabyt» festıvaliniń «Beıneleý óneri» atalymy boıynsha ótinishter qabyldaý jáne tirkeý bastalady.
Bul týraly elorda ákimdiginiń baspasóz qyzmetinen habarlandy. Baıqaý josparyna sáıkes, 7 qarashada qorytyndy shyǵarylyp, jeńimpazdar anyqtalady. Eske salaıyq, 3-8 qarashada Astanada XVII halyqaralyq shyǵarmashyl jastardyń «Shabyt» festıvali ashylady.
Festıval birneshe atalym boıynsha ótedi: «Úzdik ádebı shyǵarma», «Kameralyq mýzyka», «Horeografııa», «Sımfonııalyq orkestrdi dırıjerleý» jáne t.b.
Baıqaýdy uıymdastyrýshylardyń habarlaýynsha, «Halyq mýzykasy» atalymy boıynsha eń kóp ótinish kórshi Qytaı memleketiniń turǵyndarynan kelip túsken. Mýzykanttar sazsyrnaı, jetigen, sybyzǵy syndy aspaptarda oınaý boıynsha sheberlik baıqasady. Al qazaqstandyqtardyń basym bóligi -Soltústik Qazaqstan oblysy men Shymkent qalasynyń ókilderi.
Bıyl festıvalǵa qatysýshylar jańa «Halyq mýzykasy» jáne «Kameralyq hor» atalymdary boıynsha baqtaryn synamaq. Qazylar alqasy jastardyń ónerin baǵalap, jeńimpazdardy anyqtaıdy. Dástúr boıynsha olar «Prezıdent kýbogyn» ıelenedi. «Shabyt» festıvaliniń basty syılyǵy - laýreat dıplomy, medal men 250 000 tg quraıtyn júlde qory.
