Halyqaralyq saraptamalyq ortalyq qurylyp jatyr - Bilim jáne ǵylym vıtse-mınıstri
ALMATY. Qazannyń 4-i. QazAqparat /Erlik Erjanuly/ - Qazaqstanda áli kúnge deıin óndiristik jáne ǵylymı tehnologııalarǵa taldaý jasaıtyn arnaıy saraptamalyq ortalyq joq. Ony Bilim jáne ǵylym vıtse-mınıstri Mahmetǵalı Sarybekov búgin Almatyda «Tehnologııalardy kommertsııalandyrý» jobasyn iske qosýǵa arnalǵan sımpozıýmda aıtty,
dep habarlaıdy QazAqparat.
Álemdik tájirıbege qarasaq, shet memleketterde óndiristik jáne ǵylymı tehnologııalar arnaıy saraptamalyq ortalyqtar men keńesterdiń uıǵarymymen ǵana óndiriske engiziledi. Qazaqstannyń Bilim jáne ǵylym vıtse-mınıstri M.Sarybekovtiń aıtýynsha, bul jumys elimizde áli kúnge deıin jasalǵan joq. Ol endi ǵana qolǵa alynyp jatyr.
«Ǵylymdy kommertsııalandyrý jobasynyń aıasynda alǵashqy kezekte biz Halyqaralyq saraptamalyq ortalyq qurmaqpyz. Ol granttyq jobalardy qaraıtyn bolady. Ortalyqqa halyqaralyq deńgeıdegi jetekshi 7 maman sarapshy retinde tartylýda.Búgingi sımpozıýmǵa olardyń altaýy qatysyp otyr», deıdi vıtse-mınıstr.
