Halyqaralyq sarapshylar «Salamatty Qazaqstan» baǵdarlamasy nátıjesin joǵary baǵalady

ASTANA. QazAqparat - Dúnıejúzilik bank sarapshylary QR Densaýlyq saqtaý júıesin damytýdyń 2011-2015 jyldarǵa arnalǵan «Salamatty Qazaqstan» memlekettik baǵdarlamasynyń barlyq baǵyttaryn iske asyrý sharalaryna oń baǵa berdi. Bul týraly QR Densaýlyq saqtaý jáne áleýmettik damý mınıstrliginen habarlandy.

Atap aıtqanda, halyqaralyq sarapshylardyń eń joǵarǵy baǵasyna medıtsınanyń profılaktıkalyq baǵytyn kúsheıtý, uıymdardaǵy sanıtarlyq-epıdemıologııalyq qyzmetti jetildirý, medıtsınalyq kómekti basqarý men qarjylandyrý baǵyttary ıe boldy.

Membaǵdarlamany júzege asyrý nátıjesinde barlyq 8 maqsatty ındıkatorlar oryndaldy: ana (1,8 esege) men sábı (1,8 esege) óliminiń kórsetkishi tómendedi, týberkýlezben syrqattaný (1,6 esege) azaıdy, negizgi áleýmettik máni bar aýrýlardan: qan aınalym júıesi aýrýlarynan (2 esege), qaterli isikterden (15%-ǵa), jaraqattaný men ýlanýdan (na 21%) bolatyn ólim-jitim tómendedi. Jalpy ólim-jitim kórsetkishi de azaıdy.

Esterińizge sala keteıik, 2016 jylǵy 15 qańtarda Memleket basshysy «Salamatty Qazaqstan» Membaǵdarlamasynyń jalǵasy bolyp tabylatyn QR Densaýlyq saqtaý júıesin damytýdyń 2016-2019 jyldarǵa arnalǵan «Densaýlyq» Memlekettik baǵdarlamasyn bekitti.