Halyqaralyq sarapshylar Qazaqstannyń ıadrolyq qarýsyz álem týraly ıdeıasyn talqylady
«2045 jylǵa qaraı ıadrolyq qarýdan azat álemge qol jetkizý maqsatyna jetýge bolady jáne oǵan múddeli taraptardyń, sonyń ishinde azamattyq qoǵam ókilderi men ıadrolyq derjavalardyń úkimetteriniń keń aýqymdy qatysýy qajet. Bul týraly «Parlamentarııler ıadrolyq qarýdy taratpaý jáne qarýsyzdaný úshin» úkimettik emes halyqaralyq uıymy uıymdastyrǵan «Maqsat 2045: ıAdrolyq qarýdy joıýǵa birlesip shaqyrý» arnaıy vebınarynyń qatysýshylary habarlady», - dedi QR SІM-nen.
Onlaın formatta ótken is-sharaǵa Qazaqstannyń BUU janyndaǵy Turaqty ókili Maǵjan Іlııasov, Parlamentaralyq odaqtyń qurmetti tóraǵasy, «Parlamentarııler ıadrolyq qarýdy taratpaý jáne qarýsyzdaný úshin» qaýymdastyǵynyń quryltaıshysy Saber Choýdhýrı, «IDN-InDepthNews» halyqaralyq aqparattyq agenttiginiń basqarma tóraǵasy jáne bas redaktory Ramesh Djaýra, sondaı-aq eki júzden astam sheteldik memleketterdiń ókilderi men ıadrolyq qarýsyzdaný salasyndaǵy sarapshylar qatysty.
Qatysýshylar ıadrolyq qarýdy tolyǵymen joıýdyń maqsatty kúni retinde BUU-nyń qurylǵanyna 100 jyl tolýynyń 2045 jylynyń saıası saldaryn qarastyrdy. BUU-nyń júz jyldyǵynda ıadrolyq qarýsyz álemge qol jetkizýdiń mańyzdylyǵy týraly ıdeıany Qazaqstannyń Tuńǵysh Prezıdenti – Elbasy Nursultan Nazarbaev Nıý-Iorkte BUU Bas Assambleıasynyń 70-sessııasynda alǵash ret aıtqandyǵy atap ótildi. «Bul maqsatqa jetýge bolady. Jetkilikti batyldyqpen, azamattyq qoǵamnyń, buqaralyq aqparat quraldarynyń, ǵalymdardyń, parlamentshilerdiń jáne ıadrolyq derjavalar úkimetteriniń qatysýymen biz bul ekzıstentsıaldy qaýipten - qaraı ıadrolyq qarýdan 2045 jylǵa, múmkin odan da erterek qutyla alamyz», - dedi Saber Choýdhýrı.
Qazaqstannyń BUU janyndaǵy Turaqty ókili óz sózinde N.Nazarbaev ıadrolyq qarýdy joıýdy HHІ ǵasyrdaǵy adamzattyń eń mańyzdy jáne shuǵyl mindeti dep ataǵanyn atap ótti. Elbasynyń Semeı polıgonyn jaýyp, álemdegi tórtinshi ıadrolyq arsenaldan bas tartý týraly sheshimi jahandyq ıadrolyq synaqtarǵa tyıym salýǵa jáne ıAdrolyq synaqtarǵa jappaı tyıym salý týraly shartty qabyldaýǵa serpin berdi.
«2045 jylǵa qaraı álemdi ıadrolyq qarýdan aryltý úshin biz qazirden bastap áreket etýimiz kerek, Qazaqstan álemniń barlyq elderin, úkimettik emes uıymdardy, azamattyq belsendilerdi, buqaralyq aqparat quraldaryn bizdiń kúsh-jigerimizdi biriktirýge, 2045 jyldy anyqyraq etýge shaqyrady», - dep aıtty M.Іlııasov.
Qazaqstannyń Tuńǵysh Prezıdentiniń basqa da syrtqy saıası bastamalary, onyń ishinde jahandyq ıadrolyq qaýipsizdik jónindegi Sammıtterdi jalǵastyrý múmkindigi talqylandy. ıAdrolyq qarýdy tolyǵymen joıý - bul ıadrolyq qarýdy qoldaný nemese qoldaný qaýipine qarsy jalǵyz absolıýtti kepildik ekeni atap ótildi.
Vebınarǵa qatysýshylar Qazaqstannyń jahandyq ıadrolyq qarýsyzdaný salasyndaǵy kúsh-jigerin joǵary baǵalady, jastardy halyqaralyq antııadrolyq qozǵalysqa kóbirek tartýdyń mańyzdylyǵyn atap ótti jáne 2045 jylǵa deıin ıadrolyq qarýsyz álemge qol jetkizý boıynsha usynystar ázirleý úshin osyndaı taqyryptyq pikirtalastar serııasyn jalǵastyrýǵa kelisti.
Buǵan deıin, 2020 jyldyń 2 qazanynda Qazaqstan Syrtqy ister mınıstri Muhtar Tileýberdi BUU Bas Assambleıasynyń 75-sessııasynyń sheńberinde ıAdrolyq qarýdy joıýdyń halyqaralyq kúnine arnalǵan joǵary deńgeıdegi forýmda sóz sóılep, is-sharaǵa qatysýshylarǵa Elbasynyń BUU júzjyldyǵyna deıin ıadrolyq qarýdan tolyqtaı bas tartýǵa shaqyrýyn eske saldy.
