Halyqaralyq sarapshylar qazaqstandyq neırohırýrgııa deńgeıin joǵary baǵalaıdy
ASTANA. QazAqparat - Halyqaralyq sarapshylar qazaqstandyq neırohırýrgııa deńgeıin joǵary baǵalaıdy. Bul týraly búgin Ortalyq kommýnıkatsııalar qyzmetinde ótken brıfıngte Dúnıejúzilik neırohırýrgııalyq qoǵamdar federatsııasynyń prezıdenti Aleksandr Konovalov málim etti.
«Qazaq neırohırýrgııasynyń eleń-alańy áli esimde. Ol eń alǵash Almatyda qanat jaıdy, onda birneshe bólimsheleri boldy. Sodan beri biraz ýaqyt ótti. Aıta ketý kerek, jańa neırohırýrgııalyq ortalyq ashylǵan 6 jyldan beri qazaq neırohırýrgııasynda kóptegen ózgerister boldy. Men qazir onyń deńgeıi halyqaralyqqa jetkenine tolyqtaı senemin», - dedi A. Konovalov.
Mamannyń pikirinshe, Astanadaǵy Ulttyq neırohırýrgııalyq ortalyqta aýrýdyń eń kúrdeli túrleri sátti emdelýde.
«Bul, bir jaǵynan, atalǵan salanyń óte jyldam ári sátti damyp kele jatqanyn kórsetse, ekinshi jaǵynan - qazaq neırohırýrgııasyn álemniń moıyndap úlgergenin dáleldeıdi. Eger munda sondaı joǵary deńgeı bolmaǵan bolsa, Azııa neırohırýrgteriniń kongresi sııaqty úlken shara da osynda ótpes edi. Bul sońǵy jyldary qazaq neırohırýrgtarynyń úlken jetistikterge jetkenin naqtylaıdy», - dedi A. Konovalov.
Aıta keteıik, bul kúnderde Astanada H Azııa neırohırýrgteriniń kongresi ótip jatyr. Oǵan álemniń 50 elinen 600-den astam joǵary bilikti mamandar qatysýda.
