Halyqaralyq sarapshylar Qazaqstan ekonomıkasy ósiminiń boljamyn joǵarylatty

BІShKEK. QazAqparat – Halyqaralyq sarapshylar Qazaqstan ekonomıkasy ósiminiń boljamyn joǵarylatty. Bul týraly Bishkekte «Eýropalyq Odaq – Ortalyq Azııa» ekonomıkalyq forýmynda QR Úkimet basshysy Asqar Mamın málim etti, dep habarlaıdy QazAqparat tilshisi.

«Bizdegi progress aldyńǵy qatarly qarjy uıymdary tarapynan eleýsiz qalmady. Moody's agenttigi jaqynda Qazaqstannyń nesıe reıtıngin kóterip, ony naqty sektordaǵy turaqty ósimmen jáne kapıtal naryǵyndaǵy jaǵdaıdyń jaqsarýymen túsindirdi», - dedi Asqar Mamın.

Úkimet basshysy Moody's agenttigi 2021 jyly Qazaqstan ekonomıkasynyń ósimi boljamyn 4 paıyzǵa deıin jáne 2022 jylǵa 4,5 paıyzǵa deıin kóterdi.

«Qalpyna kelý progresi eýropa óńiri men Ortalyq Azııa elderimen tyǵyz yntymaqtastyq pen úılestirýsiz múmkin bolmas edi», - dedi Asqar Mamın.

Budan buryn habarlanǵandaı, búgin Bishkekte Premer-Mınıstrler deńgeıinde «Eýropalyq Odaq – Ortalyq Azııa» ekonomıkalyq forýmy bastaldy.

Asqar Mamın sońǵy 10 jylda Eýropalyq Odaqqa múshe elder óńirge 110 mlrd eýrodan astam ınvestıtsııa salǵanyn jetkizdi.