Halyqaralyq sarapshy azaptaýdyń aldyn alý jónindegi ulttyq mehanızmmen tanysty

ASTANA. 9 qazan. QazAqparat - Astanada Qazaqstan Respýblıkasy Adam quqyǵy jónindegi ýákil Asqar Shákirov pen Qazaqstanǵa Penal reform international (Halyqaralyq túrme reformasy) halyqaralyq uıymynyń sarapshysy retinde kelgen Bolgarııalyq Helsınkı komıtetiniń basshysy Krasımır Kanevtiń kezdesýi ótti.

Bul týraly QR Adam quqyǵy jónindegi ýákil apparatynyń baspasóz qyzmetinen habarlaıdy.

8 qazanda ótken kezdesý barysynda, taraptar Qazaqstanda azaptaýdyń aldyn alý jónindegi joba sheńberinde Ortalyq Azııa aımaǵynda Qazaqstan ulttyq quqyq qorǵaý ınstıtýty men Penal reform international ókildigi arasyndaǵy yntymaqtastyqtyń tıimdiligin atap aıtty.

Áńgimelesý kezinde ýákil BUU azaptaýǵa qarsy konventsııasy jáne onyń ulttyq zańnamaǵa engizilgen fakýltatıvti hattamasyn ımplementatsııalaý úrdisin túsindirdi. Halyqaralyq sarapshy Memleket basshysy bıyl qol qoıǵan tıisti zańǵa sáıkes jasalǵan azaptaýdyń jáne basqa da qatygez is-áreketter túrleriniń aldyn alý jónindegi ulttyq saqtandyrý tetikterine baılanysty barlyq máseleler boıynsha aqparattandyrdy.

Taraptar birlesken jobalar sheńberinde ózara áreket etý tıimdiligin atap aıtty jáne onyń ári qaraı jalǵasýyna múddeliligin bildirdi.