Halyqaralyq sanattaǵy sport sheberi A. Gavrılovty eske alýǵa arnalǵan júzýden Qazaqstan birinshiligi bastaldy

dep habarlaıdy QazAqparat.

Respýblıkalyq týrnır 1996 jyly týǵan jáne odan kishi balalar arasynda ótkizilýde. «Halyqaralyq sanattaǵy sport sheberi A. Gavrılov atyndaǵy respýblıkalyq jarys 2004 jyldan beri 7-shi ret uıymdastyrylyp otyr. Alǵashqy týrnır áli esimde. Ol ýaqytta Qazaqstan aımaqtarynan tek 3 komanda: Stepnogor, Qaraǵandy jáne Astana qalalarynyń jas sportshylary kelip qatysyp edi. Qazir 14 komanda kelgen, el aımaqtarynan jınalǵan sportshylardyń ózi 180-ge jetip otyr», deıdi Jarystyń bas tóreshesi - QR-nyń júzýden eńbek sińirgen jattyqtyrýshysy, A. Gavrılovtyń jeke bapkeri bolǵan Aleksandr Kýdrıavtsev.

Byltyr Astana balǵyndary birinshi oryndy qanjyǵalaryna salyp ketken bolatyn. A. Kýdrıavtsevtiń aıtýynsha, elordalyq sportshylar úshin Almaty, Pavlodar, Qaraǵandy quramalary óte myqty qarsylas bolyp tabylady. «Degenmen bıyl da bas júldeni Astanada qaldyrýǵa tyrysamyz», deıdi ol.

Jarysta 1,5 shaqyrymdyq marafondyq qashyqtyqtan basqa barlyq olımpıadalyq qashyqtyqtarda júzý dıstantsııalary ótedi.

Sportshyny eske alý jarystary sáýirdiń 26-sy men 28-i aralyǵynda ótedi.