Halyqaralyq sadaq atý federatsııasy týrnırdi qashyqtan ótkizetin boldy
NUR-SULTAN. QazAqparat - Mamyr aıynda koronavırýs pandemııasynyń saldarynan jarystardyń toqtatylýyna baılanysty Halyqaralyq sadaq atý federatsııasy týrnırdi qashyqtan ótkizetin boldy, dep habarlaıdy Olympic.kz uıymnyń baspasóz qyzmetine silteme jasap.
«Birinshi týrnırge tórt er jáne tórt áıel sportshy qatysýǵa shaqyrtý alady. Іrikteý kezeńi 1 mamyr kúni bastalyp, 9-17 mamyr kúnderi oıyn ótedi. Jarys jeńimpazyna 1000 shveıtsarııalyq frank, al júldegerge 500 shveıtsarııalyq frank beriledi. Jarys mobıldi telefonnan tikeleı efırde túsirilip, federatsııanyń YouTube kanaly pen Facebook paraqshalarynda tikeleı efırde translıatsııa jasalady. COVID-19 indetine baılanysty halyqaralyq federatsııa kúntizbesindegi barlyq jarystar toqtatyldy. Qazirgi jaǵdaıǵa qatysty sadaq atýdan fızıkalyq turǵyda shildege deıin eshqandaı týrnır bolmaıdy», - delingen World Archery hatynda.
