Halyqaralyq rezervter qyrkúıekte 2,1 mlrd dollarǵa tómendedi – Ulttyq bank
ASTANA. QazAqparat – Halyqaralyq rezervter qyrkúıekte 2,1 mlrd dollarǵa tómendedi. Bul týraly Úkimet otyrysynda QR Ulttyq bankiniń tóraǵasy Ǵalymjan Pirmatov aıtty, dep habarlaıdy QazAqparat tilshisi.
«Jalpy halyqaralyq rezervter qyrkúıek aıynda 2,1 mlrd dollarǵa tómendep, 84,4 mlrd dollardy qurady. Aqpan-naýryz aılarynda ınterventsııalar júrgizý, memlekettik boryshty tóleý, sondaı-aq altyn baǵasynyń tómendeýi aıasynda jyl basynan beri altyn-valıýta aktıvteriniń 1,6 mlrd dollarǵa tómendeýine qaramastan altyn-valıýta aktıvteriniń deńgeıi jetkilikti jáne ımporttyń shamamen 7,3 aıyn jabýǵa múmkindik beredi», – dedi Ulttyq bank tóraǵasy.
Onyń dereginshe, respýblıkalyq bıýdjetke 3,7 trln teńge somasyna transfertter bólý úshin jyl basynan bastap 3,4 mlrd dollarǵa valıýtalyq aktıvter satyldy.
«Damyǵan elderdiń ortalyq bankteriniń aqsha-kredıt saıasatyn kúsheıtý jónindegi rıtorıkasy aıasynda oblıgatsııalar men aktsııa naryqtary jyl basynan beri quldyraǵanyn kórsetti. Bul qyrkúıek aıynda Ulttyq qor aktıvteriniń tómendeýine áser etti», - dedi Ǵalymjan Pirmatov.
