Halyqaralyq reıtıngte Qazaqstan áıelderiniń belsendiligi óte joǵary baǵalanýda - G.Ábdiqalyqova

ASTANA. QazAqparat - Halyqaralyq reıtıngte Qazaqstan áıelderiniń belsendiligi óte joǵary baǵalanýda. Bul týraly búgin QR Prezıdenti janyndaǵy Áıelder isi jáne otbasylyq-demografııalyq saıasat jónindegi ulttyq komıssııanyń otyrysy aıasynda BAQ ókilderine suhbat bergen elimizdiń Memlekettik hatshysy Gúlshara Ábdiqalyqova málim etti.

«Qazirgi ýaqytta halyqaralyq reıtıngte Qazaqstan áıelderiniń belsendiligi óte joǵary baǵalanýda. Biz 30 ben 40-shy pozıtsııanyń ortasynda turmyz», - dedi ol.

Osy rette Memlekettik hatshy Elbasy álemniń damyǵan 30 eliniń qataryna kirý maqsatyn alǵa qoıyp otyrǵandyǵyn eske salyp ótti.

«Sondyqtan da, bizderge osy baǵytta jumystar júrgizý qajet. Menińshe, «Nurly jol - bolashaqqa bastar» jol atty jańa Joldaý aıasynda bizdiń áıelderdi bızneske barynsha tartý qajet. Keler jyly 100 mlrd. teńge shaǵyn jáne orta bızneske bólinedi. Dál osy salada áıelderdiń áleýeti óte zor», - dedi G.Ábdiqalyqova.