Halyqaralyq poıyz bıletterine bir jyl boıy 58% jeńildik jasalady
ASTANA. QazAqparat - «Jolaýshylar tasymaly» AQ memleketaralyq poıyzdardyń jolaýshylaryna jeńildikter beriletinin málimdedi. Jeńildigi bar bıletterdi satý bastalyp ta ketken, dep habarlaıdy QazAqparat.
Kompanııanyń baspasóz qyzmetinen málim etkendeı, jeńildik berý naýqany 2019 jyldyń 2 qańtarynan 28 jeltoqsanǵa deıin jalǵasady.
Jolaýshylar poıyz júrgenge deıin 45 kún buryn bıletti bazalyq qunynan 58% arzanǵa ala alady. Al poıyzdyń júrý ýaqyty jaqyndaǵan saıyn, bos oryndardyń azaıýyna baılanysty, bılettiń baǵalary da qymbattaı túsedi.
Jeńildikter poıyzdyń jolǵa shyǵar ýaqytynyń alys-jaqyndyǵyna baılanysty, bılettiń bazalyq qunynan 58%, 55%, 45%, 35%, 25% jáne 15% bolyp belgilengen.
Bul rette atap óterligi, atalǵan jeńildikter halyqaralyq baǵdardaǵy poıyzdarǵa ǵana beriledi, memleket ishindegi reısterge, sondaı-aq ujymdyq jolaýshylar tobyna taratylmaıdy.
Halyqaralyq baǵdarlardyń tizimin myna jerden kórýge bolady.
