Halyqaralyq Paralımpıada komıtetiniń basshysy Olımpıadaǵa bara almaıtyn boldy

NUR-SULTAN. QazAqparat - Halyqaralyq paralımpıada komıtetiniń (HPK) prezıdenti Endrıý Parsons koronavırýsqa baılanysty Beıjińdegi qysqy Olımpıada oıyndaryna barmaıdy. Bul týraly ol óziniń Twitter paraqshasynda jazdy, dep habarlaıdy QazAqparat.

«Koronavırýstyq synaǵym oń nátıje bergendikten Olımpıadaǵa qatysa almaıtynyma qatty ókinemin. Ázirshe oqshaýlanǵan kezimde Paralımpıada oıyndaryna daıyndyqqa kóńil bólemin jáne Olımpıadany teledıdardan qadaǵalaıtyn bolamyn. Barlyq Olımpıadaǵa qatysýshy sportshylar men Halyqaralyq Olımpıada komıtetine sáttilik tileımin», - dep atap ótken Parsons óz jazbasynda.

Parsons 2017 jyly IPC prezıdenti boldy jáne 2021 jyly bul laýazymǵa qaıta saılandy. Ol 44 jasta, 2005-2009 jyldary Amerıka Paralımpıada komıtetin basqardy, 2009-2017 jyldary Brazılııa Paralımpıada komıtetiniń prezıdenti boldy.

Qysqy Olımpıada oıyndary Beıjińde 4-20 aqpan aralyǵynda, al Paralımpıada oıyndary 4-13 naýryz aralyǵynda ótedi.