Halyqaralyq pán olımpıadalarynyń tárbıelik máni zor - maman

ALMATY. QazAqparat- Halyqaralyq pán olımpıadalarynyń tárbıelik máni zor. Mundaı pikirdi óńirlik kommýnıkatsııalar qyzmetiniń alańynda ótken brıfıngkte matematıkadan halyqaralyq olımpıadanyń (IMO) jetekshisi Vladımır Jýk aıtty, dep habarlaıdy QazAqparat tilshisi.

Matematıkadan halyqaralyq olımpıadanyń (IMO) jetekshisi Vladımır Jýk olımpıadanyń tárbıelik máni zor dep esepteıdi.

«Matematıkalyq olımpıadalardyń úlken tarıhy bar, birinshi olımpıada 19 ǵasyrdyń aıaǵynda Avstro-Vengrııada ótti. Halyqaralyq matematıkalyq olımpıada 60 jyldan astam ýaqyt boıy ótkizilip keledi. Sońǵy ýaqytta Almatyda olarǵa daıyndyq deńgeıi artty. 20 jyl buryn almatylyqtar nólge jaqyn upaı jınasa, qazir jeńimpaz atanyp jatyr», - dedi jetekshi.

Vladımır Jýk olımpıadalarǵa qatysatyn almatylyq bilim alýshylar kóbinese Qazaqstannyń jáne shet elderdiń tanymal joǵary oqý oryndaryna túsetinin atap ótti.

Brıfıngke qatysýshy halyqaralyq matematıka olımpıadasynyń (ІMO) qola júldegeri ıÝrıı Ten óziniń biliminiń nátıjesinde erte jastan amerıkandyq ýnıversıtetke oqýǵa túsýge múmkindik aldy.

«Basqa elderdiń oqýshylarymen básekelesý óte qyzyqty, maǵan matematıkadan esepterdi sheshý óte unaıdy, óıtkeni olardy ártúrli elderdiń úzdik jetekshileri qurastyrady. Ádette, barlyq tapsyrmalar kúrdeligine qaraı tártippen júredi. Úshinshi kategorııany sheshý eń qyzyqty, olar kreatıvti bolady. Olımpıadalarda men jaýapkershilikti sezinemin, óıtkeni men óz elimdi, Qazaqstandy tanystyramyn», - dep bólisti ıÝrıı Ten.

Al, bıologııa páni boıynsha Halyqaralyq Olımpıadanyń qola júldegeri Baqdáýlet Ernazarov jýrnalısterdiń suraqtaryna jaýap bere otyryp, jattyqtyrýshy men muǵalimderge daıyndyqtary úshin alǵysyn bildirdi.

Oqýshy bıologııany 7-shi synyptan bastap tereń zertteı bastaǵan, oǵan barlyq naqty ǵylymdar árqashan ońaı berildi. Búginde ol jańa olımpıadalarǵa daıyndyǵyn jalǵastyrýda.