Halyqaralyq olımpıadalarǵa qatysatyn qazaqstandyq oqýshylardyń sany jyldan jylǵa artyp keledi - A.Sárinjipov
ASTANA. QazAqparat - Búgin Astanada QR Bilim jáne ǵylym mınıstri Aslan Sárinjipov fızıka páni boıynsha halyqaralyq olımpıadaǵa qatysatyn Qazaqstannyń ulttyq qurama komandasynyń úmitkerlerimen kezdesti.
«Halyqaralyq olımpıadalarǵa qatysatyn qazaqstandyq oqýshylardyń sany jyldan jylǵa artyp keledi. Bul - memlekettiń jasap jatqan jumysynyń, sizderdiń jáne ata-analardyń kúsh-jigerleriniń arqasy», - dedi mınıstr zııatker oqýshylarmen kezdesýinde.
A.Sárinjipovtiń aıtýynsha, Qazaqstanda fızıka páni boıynsha halyqaralyq olımpıadanyń ótkizilýi álemdik ǵylymı qaýymdastyqtyń bizdiń elge degen úlken senimin bildiredi.
«Qazaqstan orta bilim berý salasy qarqyndy damyp kele jatqan el retinde tanyldy degen sóz. Sizderdiń jetistikterińiz ben jeńisterińiz bizdiń eldiń atyn shyǵarýda. Álem elderi Qazaqstan fızıka men matematıkadan myqty el ekendigin kóredi», - dep atap ótti ol.
Aıta keteıik, 2013 jyldyń qortyndysy boıynsha Qazaqstan oqýshylary halyqaralyq olımpıadada jáne ǵylymı jobalar baıqaýlarynda 967 marapatqa ıe boldy. Onyń ishinde 188 - altyn medal, 298 - kúmis, 463 - qola medal jáne 18 alǵyshat bar.
