Halyqaralyq olımpıadada qaraǵandylyq oqýshy «kúmis» aldy
QARAǴANDY. QazAqparat – Nurmaqov atyndaǵy Qaraǵandy mektep-ınternatynyń toǵyzynshy synyp oqýshysy Ramazan Perdebaı «Týımaada» oqýshylardyń HHVIII Halyqaralyq olımpıadasynyń kúmis júldegeri atandy.
Jarys úsh pán boıynsha ótti – matematıka, fızıka jáne ınformatıka, dep habarlaıdy QazAqparat tilshisi.
Olımpıada uıymdastyrýshysy – Saha Respýblıkasy (ıAkýtııa). Barlyq tapsyrmalar onlaın túrde jiberildi. Jarysqa álemniń jeti eli – Qazaqstan, Reseı, Indonezııa, Rýmynııa, Sıngapýr, Bolgarııa, Irannan 250-den astam oqýshy qatysty.
Qazaqstannan 74 oqýshy ótinish bildirdi. Qaraǵandy oblysynan N. Nurmaqov atyndaǵy mamandandyrylǵan mektep-ınternatynyń oqýshylary Beksultan Shárip (fızıka) jáne Ramazan Perdebaı (ınformatıka), sondaı-aq №1 «Bilim-Innovatsııa» lıtseı-ınternatynyń oqýshylary Dıas Serkibaev pen Ómir Baıbosynov (fızıka) qatysty.
Ramazan Perdebaı úzdik nátıje kórsetti. Ol óz sanatynda ekinshi boldy. Oqýshy jyl boıy bizdiń oblysty halyqaralyq olımpıadalarda birneshe ret tanystyrdy. Ol Eýropalyq jasóspirimder olımpıadasynyń, Halyqaralyq Jáýtikov olımpıadasynyń qola medaliniń ıegeri, sondaı-aq 2021 jylǵy respýblıkalyq oqýshylar olımpıadasynyń júldegeri.
«Altynshy synyptan bastap men barlyq konkýrstar men olımpıadalarǵa belsendi qatysamyn. Sondyqtan da únemi daıyndalamyn. Olımpıadaǵa deıin men «kúmis» alamyn dep oıladym, solaı boldy. Men nátıjege rızamyn. Keıbir tapsyrmalar óte jeńil boldy, biraq qıyn tapsyrmalar da kezdesti», – deıdi Ramazan.
Jarysqa ınformatıka pániniń muǵalimi Maǵjan Qaýlanov ta kómektesedi.
«IOI oqýshylar arasynda ınformatıka páni boıynsha Halyqaralyq olımpıadaǵa qatysýdy armandaımyn. Onda álemniń barlyq elderiniń myqtylary óner kórsetedi», – dep josparlarymen bólisti Ramazan.
Ótken jarystardyń qorytyndysy boıynsha bizdiń quramanyń qorjynynda 5 altyn, 11 kúmis, 16 qola medal jáne 4 dıplom bar. Salystyra ketsek: 2020 jyldyń qorytyndysy boıynsha Qazaqstanda 1 altyn, 3 kúmis, 9 qola júlde jáne 10 gramota boldy.
