Halyqaralyq Olımpıada kúnine oraı Almatyda velosherý ótti
ALMATY. QazAqparat - Búgin Almatyda 2022 jylǵy qysqy Olımpıada oıyndaryn qoldaýǵa baǵyttalǵan velosherý ótti. Məre syzyǵyn «Suńqar» halyqaralyq shańǵy tramplıninen bastaǵan qatysýshylar Ortalyq stadıonǵa taban tiredi. Sporttyq nysanda merekelik kontsert, sporttyq oıyndar uıymdastyryldy.
"Búgingi velosherýdi Halyqaralyq Olımpıada kúnine oraı uıymdastyrdyq. Bul shara biz úshin úlken mańyzǵa ıe. Kórikti Almatymyz 2020 jylǵy qysqy Olımpıada oıyndaryn ótkizýge úmitker. Qala kóshelerine shyqqan myńdaǵan turǵyndar qalamyzdyń salaýatty ómir saltyn qoldaıtynyn bildiredi",- dedi qala əkimi A.Esimov. Sondaı-aq qala basshysy turǵyndardy búgin qalada ótip jatqan iri mədenı shara - "Almaty - gúl qala" festıvaline shaqyrdy. Qala basshysy shaharda ósirilip kele jatqan gúl kilemniń kólemi 200 myń sharshy metrge jetetindigin məlimdedi. Qalany kóriktendirý baǵytynda búginde aýqymdy jumys júrgizilip keledi. Saıabaqtar men alańqaılar qalpyna keltirilip, sýburqaqtar jóndeldi. 150 myńǵa jýyq aǵash otyrǵyzyldy. Halyqaralyq olımpıada komıtetiniń prezıdenti Tomas Bahtyń quttyqtaýyn QR ulttyq Olımpıada komıtetiniń vıtse-prezıdenti Pavel Novıkov oqyp berdi. "Olımpıada kúni - jastardy salaýatty ómir saltyna baýlıtyn mańyzdy meıram. Osy kúnniń negizgi maqsaty əlemdegi barlyq adamdardy sporttyq merekege qatysýǵa úndeý. Osy keremet dəstúrdi saqtaıyq", - delingen quttyqtaý hatynda. Sonymen qatar, qala basshysy eń belsendi velosıpedshilerdi marattady.
